Соёлын яам, Соёл Урлагийн Газар /Culture and Arts Authority/, Нийслэлийн Засаг даргын Тамгын газар, Нийслэлийн Соёл, урлагийн газар, дүүргүүдийн Засаг даргын Тамгын газар, Соёлын орднууд хамтран “Соёлын сэргэлт 2023” аяныг Нийслэлд хэрэгжүүлэх ажлыг зохион байгуулж байгаа билээ. Тэгвэл энэхүү үйл ажиллагаа өнгөрсөн амралтын өдрүүдэд/2023.06.03/ Багануур дүүрэгт өртөөлөн, үргэлжиллээ.
“Соёлын сэргэлт 2023” аяны Багануур дүүрэг дэх нээлтийн үйл ажиллагаанд Багануур дүүргийн ИТХ-ын дарга Т.Отгонболд, Засгийн газрын хэрэгжүүлэгч агентлаг Соёл, урлагийн газрын Урлаг, уран бүтээлийн хэлтсийн дарга С.Дэлгэрмаа, Нийслэлийн Соёл, урлагийн газрын дарга Э.Цэнд-Аюуш нар оролцлоо. Аяны хүрээнд иргэдэд зориулсан соён гэгээрлийн илтгэл, соёлын ажилтнуудыг чадавхжуулах сургалт зохиогдож, Улаанбаатар хотын музейн үзэсгэлэнгүүдийн бүтээлүүд дэлгэгдлээ. Мөн МУСТА дуучин A-cool / Б. Анхбаяр/ болон “Соёмбо” чуулгын уран бүтээлчдийн тоглолт зохиогдсон юм.
Түүнчлэн “Соёлын сэргэлт 2023” аяны хүрээнд Багануур дүүргийн “Иргэдийн оролцоотой соёлын жил 2023” үйл ажиллагаа зохион байгуулагдаж, “Good soil” хөгжмийн дэлгүүрийн “basic club” нээлттэй дуулах микрофон ажиллуулсан нь иргэдийн таалалд нийцсэн үйл ажиллагаа боллоо.
Amlalt.mn
