УИХ-ын Боловсрол, соёл, шинжлэх ухаан, спортын байнгын хорооны өнөөдрийн хуралдаанаар Боловсролын ерөнхий хуулийн шинэчилсэн найруулгын төслийн эцсийн хэлэлцүүлгийг хийлээ. Энэ үеэр Цахим хөгжил, харилцаа холбооны сайд Н.Учрал "2018 онд Багшийн хөгжлийг дэмжих тухай хууль баталсан. Энэ хуульд нэг сайн заалт оруулсан нь бага ангид туслах багш ажиллуулах тухай заалт. 50 хүүхэдтэй ангид туслах багш ажиллуулахгүй бол үр дүнгүй байна гээд ийм заалт оруулсан. Гэтэл өнөөдөр туслах багш ажиллуулж байгаа газар байхгүй. Яагаад гэвэл төсөлдөө уягдчихсан явж байгаа. Энэ бол хуульд гоё үг бичиж болдог ч хэрэгждэггүйн жишээ.
Англи хэлний боловсрол чухал. Гэхдээ Зүүн салаанд байгаа сургуульд, сумын төвийн сургуульд чадварлаг англи хэлний багш сая төгрөгийн цалинтай ажиллахаар ирэх үү гэдэг л асуудал байна. Тиймээс Боловсролын хуульд англи хэлний багш нарын цалинг жил бүр нэмэгдүүлнэ гээд заачих хэрэгтэй. Ингэвэл хэдэн сайн англи хэлний багш нар шаардлагатай газруудад очиж ажиллана" гэлээ.
Amlalt.mn
