УИХ-ын Төсвийн байнгын хорооны хуралдааны үеэр Шадар сайд С.Амарсайхан өвөлжилтийн нөхцөл байдлын талаар мэдээлэл өглөө. Тэрээр "Өвөлжилт амаргүй байна. Цаашдаа ч хүндрэхээр байна. Хаврын урт өдрүүд үргэлжилнэ. Өнөөдрийн байдлаар найман аймгийн 20-иод сум төмөр зудтай байна. 1944 оны бич жилийн зуд гэж манай өвөг дээдэс, ахмадууд ярьдаг байсан. Энэ жилийн зуд тэр хэмжээнд хүрсэн гэдгийг малчид хэлж байна. Цаг уурын байгууллага ч тодорхойлж байгаа.
Мөн 20 гаруй аймгийн 100 орчим сум цагаан зудтай байгаа. Улсын хэмжээнд 120-130 хүнд хүндрэлтэй нөхцөл байдалд орсон гэсэн үг. Монгол орны 90 орчим хувь цасан бүрхүүлтэй болсон. Цас хатуурч мөстөхийг шилэн зуд, төмөр зуд гэж яриад байгаа юм. Мал бэлчих боломжгүй гэсэн үг.
Отор нүүдэл хийж байгаа малчин олон байна. Өнөөдрийн байдлаар зүүн аймгуудад л гэхад 60 орчим мянган мал оторлож байна" гэлээ.
Явуулын штабыг УОК-оос байгуулсан. УОК дээр 24 цагийн ажиллагаатай штаб байгуулж Засгийн газрын 2023 оны арванхоёрдугаар сарын 6-ны 49 дүгээр тогтоолоор өндөржүүлсэн бэлэн байдахд шилжүүлэн ажиллаж байгаа" гэв.
