“Эрдэнэс тавантолгой” ХК-ийн 1072 хувьцааны ногдол ашгаа авч чадаагүй иргэд хүсэлт гаргах боломжтой аж. Тухайлбал, хувьцаатай ч ногдол ашгаа авч чадаагүй иргэд төвлөрсөн хадгаламжийн төвд хүсэлт гаргаж, мэдээллээ шалгуулах шаардлагатай. Түүнчлэн төвлөрсөн хадгаламжийн төвд бүх үнэт цаас болон брокер дилерийн хаяг, байршил, утас байдаг бөгөөд 1072 хувьцааны өмнөх ногдол ашгаа аваагүй иргэд лавлаж, тодруулах боломжтой.
Ногдол ашгийн мөнгийг олгохдоо брокерт нээлгэсэн данстайгаа холбосон банкны данс, хүүхдийн мөнгөний данс, төрд бүртгэгдсэн бусад дансаар гээд олон төрлөөр шилжүүлэг хийж байгаа учраас иргэдийг нэн түрүүнд өөрийн нэр дээрх банкны дансуудаа шалгахыг зөвлөсөн байна. Хэрэв дансанд нь мөнгө ороогүй тохиолдолд иргэн брокерын компанид хандаж, мэдээллээ оруулаад банкны дансны мэдээлэл хэвийн байгаа эсэхийг, ногдол ашиг нь хэрхэн олгогдох талаар мэдээллийг авах юм.
Тиймээс иргэд ногдол ашгаа аваагүй тохиолдолд дансаа шалгаж, үүний дараагаар брокерийн байгууллагаас лавлах нь хэрэгтэй гэлээ.
