Нийтлэлч Баабар “Цуст дарангуйлагч Лука хүүхдийн баяр тэмдэглэхээр гэрт минь орж ирлээ” хэмээх гарчигтай бичвэрээ зургаадугаар сарын нэгэнд өргөн олноо толилуулсан. Лука ч зүгээр байсангүй. Тогтсон сэдвээс хазайснаа хэлээд, Монголын хэвлэлүүд биднийг таагүй харагдуулж байгаад харамсаж байна гээд л хэлээд тавьж. Дайн хэрэггүй гэдэг хэсэг залуус жагсаж.

Манайхан ачаад л явсан бололтой. Лукаг тойрсон үйл явдлаас Монголд бяцхан ардчилал байгаа л харагдаж байна. Бас заналхийлэл байгаа нь ч харагдаж байх шиг. Эрх баригч намын дарга Д.Тогтохсүрэн өчигдөр МАН-ын бүлэг лут ажилласан гэлээ. Гэтэл хэвлэлд УИХ дөрвөн жилийн МАН-ын штаб байлаа гэж бичиж. Эргэлт.мн дээр.

Д.Тогтохсүрэн гэлмэгггүй залдаг эр л дээ. Өчигдөр, яаж зүгээр байхав, ирц муу байсан гэдэгтэй санал нийлэхгүй л гэж байна. Өвөрхангайд сонгогчдод мөнгө тараасан атлаа "тараагаагүй, золгосон" гээд ярьдаг. Маргааш нь МАН дөчин дөрвөн их наядын хулгайтай холбогдоход манай намд нүүрсний хулгайч байхгүй гээд мэлздэг хүн. Хорин оны амлалт биш байна, арван зургаан оны амлалт шүү гээд л ярих жишээний. Мэлзэх жишээний. Юутай ч Д.Тогтохсүрэн МАН-ын бүлгийн даргаар дөрвөн жил ажиллав.

Одоо Өвөрхангай руугаа сонгогдоно гээд мордох нь шиг байна. Мэлзээ Д.Тогтохсүрэнгийн мэлзлээр лаахайдуулдаад дахиад сонгох юм болов уу, Өвөрхангайчууд. Д.Тогтохсүрэнгээс МАН-ын өнгөрөгч дөрвөн жилийн амлалт хэрхэн биелснийг сонгогчид мэлзүүлэн асуух хэрэгтэй. Хэрхэн мэлзэх нь вэ. Тэрийг нь баримтжуулаад сонголтоо хийх хэрэгтэй. МАН-ын амлалт биелээгүй нь маш их байна. Д.Тогтохсүрэн бол яг л нүүрсний хулгайч МАН-д байхгүй гэсэн шигээ, манай амлалтад биелээгүй зүйл байхгүй гэж мэлзэнэ. Харж л байгаарай.

Т. ГАРЬД

АМЛАЛТ. МН