Улсын төрөлжсөн олимпиадын хоёрын даваа буюу аймгийн төрөл мэргэжлийн олимпиад Өмнөговь аймгийн Даланзадгад хотод 2025 оны 12 дугаар сард 11 төрлөөр амжилттай зохион байгуулагдаж, оролцогчдын тоо болон гүйцэтгэлийн чанарын үзүүлэлт өмнөх оноос ахисан дүнтэйгээр өндөрлөлөө.
Олимпиадад нийт 1054 багш, суралцагч хамрагдсан нь 2024 онтой харьцуулахад 30.2 хувиар өссөн үзүүлэлт юм. Тус олимпиадад эхний байранд шалгарсан оролцогчдын гүйцэтгэл 8 хичээлээр 1.0–8.5 хувиар нэмэгдэж, нийт 36 ангиллын 25-д нь даалгаврын дундаж гүйцэтгэл 0.4–24.1 хувиар ахисан байна.
Үр дүнгээр нийт 32 багш, суралцагч “Улсын олимпиад”-ын гурвын даваанд оролцох эрхээ ханган шалгарсан байна.
Багш, суралцагчдын дундаас хамгийн өндөр гүйцэтгэлийг:
• Нийгмийн ухааны хичээлийн 12 дугаар ангийн төрөлд Даланзадгад сумын 3 дугаар сургуулийн суралцагч О.Аззаяа 98 хувийн гүйцэтгэлээр,
• Англи хэлний багшийн төрөлд Баяндалай сумын Ерөнхий боловсролын сургуулийн англи хэлний багш Ж.Хишигтогтох 92 хувийн гүйцэтгэлтэй шалгагдсан амжилтыг үзүүллээ.
Энэ жилийн олимпиадад Газар зүй, Биологи, Мэдээлэл зүйн төрлөөр нийт 183 багш, суралцагч цахим суурьтай даалгавар гүйцэтгэж, Англи, Орос хэлний 270 гаруй оролцогчийн шалгалтын материалыг “Remark Office OMR” программ ашиглан богино хугацаанд, өндөр үр дүнтэй боловсруулсан нь онцлог юм.
Amlalt.mn
