Огноо: 2026 оны 07 дугаар сарын 06-ны өдөр
Монгол Улсын Засгийн газрын 2024 оны 220 дугаар тогтоолоор Улаанбаатар хотын Сонгинохайрхан дүүргийн 21 дүгээр хорооны нутаг дэвсгэрт хүнсний аюулгүй байдлыг хангах, экспортын чиг баримжаатай хүнс, хөдөө аж ахуйн бүтээгдэхүүний үйлдвэрлэлийг хөгжүүлэх, хүн амын хүнсний хангамжийг нэмэгдүүлэх зорилгоор хүлэмж-агуулахын аж ахуй хүнсний болон хөнгөн үйлдвэрийн үйлдвэрлэлийг хөгжүүлэх төрийн бодлогыг хэрэгжүүлэхээр “Агро-сити” эдийн засгийн тусгай бүсийг байгуулсан.
Нийслэлийн Иргэдийн Төлөөлөгчдийн Хурлын 2026 оны 05 дугаар сарын 15-ны өдрийн 26/28 дугаар тогтоолоор “Агро-сити эдийн засгийн тусгай бүс” төслийг төр, хувийн хэвшлийн түншлэлээр нийслэлд хэрэгжүүлэх төслийн жагсаалтад оруулж баталсан. Энэ хүрээнд Улаанбаатар хотын Сонгинохайрхан дүүргийн 21 дүгээр хорооны нутаг дэвсгэрт орших эдийн засгийн тусгай бүсэд хүнсний нарийн ногооны хүлэмж байгуулах төслийн талаар мэдээлэл өгөх, хувийн хэвшлийн хөрөнгө оруулагчдын сонирхлыг тандан судлах, төсөл хэрэгжүүлэх боломжит түншүүдийг тодорхойлох зорилгоор урьдчилсан зарыг нийтэлж байна. Төсөл хэрэгжсэнээр нийслэлийн хүнсний болон нарийн ногоо, жимс жимсгэнэ, мөөгний хэрэгцээг дотоодын үйлдвэрлэлээр тогтвортой хангах, импортыг орлох үйлдвэрлэлийг нэмэгдүүлэх, ажлын байр бий болгох, хүнсний аюулгүй байдлыг сайжруулах, орчин үеийн хүлэмжийн технологийг нэвтрүүлэх ач холбогдолтой.
Төсөл хэрэгжүүлэх сонирхолтой хувийн хэвшил нь төсөл хэрэгжүүлэх газар, хүлэмжийн хэмжээ, технологийн шийдэл, дэд бүтэц, хугацаа, ажиллах зарчим болон бусад саналаа тусгаж, Төр, хувийн хэвшлийн түншлэлийн тухай хуулийн 14.1.1-д заасан “түншлэлийн төслийн зардлыг хэрэглэгчийн төлбөр, хураамж болон төслийн орлогоор санхүүжүүлэх”, эсхүл 14.1.3-д заасан “түншлэлийн холимог төрлөөр буюу төслийн зардлыг хэрэглэгчийн төлбөр, хураамж болон төслийн орлогоор санхүүжүүлэх” төрлөөр төсөлд хөрөнгө оруулалт хийх, төсөл хэрэгжүүлэх сонирхлоо илэрхийлэх боломжтой.
Төсөл хэрэгжүүлэх сонирхолтой хувийн хэвшил саналаа 2026 оны 08 дугаар сарын 28-ны өдрийг хүртэл “Агро-сити” эдийн засгийн тусгай бүсийн Захирагчийн ажлын алба, “Улаанбаатар түншлэл төв” ХХК-ийн доорх хаягаар ирүүлнэ үү.
Төслийн дэлгэрэнгүй мэдээлэл, холбогдох баримт бичгийг дараах холбоосоор авах боломжтой.
1. Газрын байршил https://maps.app.goo.gl/iHvjZTUnxbjGPBwu6 , 48°09'26.35"N 106°41'06.22"E
2. НИТХ-ын 2026 оны 05 дугаар сарын 15-ны өдрийн 26/28 дугаар “Төр, хувийн хэвшлийн түншлэлээр нийслэлд хэрэгжүүлэх төслийн жагсаалтад нэмэлт оруулах тухай тогтоол” https://khural.ulaanbaatar.mn/law
3. Төр, хувийн хэвшлийн түншлэлийн тухай хууль тогтоомж https://legalinfo.mn/mn/detail?lawId=16532629445571, https://legalinfo.mn/mn/detail?lawId=17355924694351
4. Мэдээлэл авах хаяг, холбоос
- “Агро-сити” эдийн засгийн тусгай бүсийн Захирагчийн ажлын алба
- Улаанбаатар хот, Сүхбаатар дүүрэг, Бага тойруу, 8-р хороо, Сити Тауэр, 8 давхар, 802 тоот
- Утас: +976-70004737
- Цахим шуудан: [email protected]
- Веб сайт: www.agrocity.gov.mn
5. "Улаанбаатар түншлэл төв" ХХК
- Улаанбаатар хот, Сүхбаатар дүүрэг, 8-р хороо, Бага тойруу 1, Амарын гудамж 2, Соёлын төв өргөө Б корпус, 303 тоот
- Утас: +976 70110071
- Цахим шуудан: [email protected]
Эх сурвалж: ulaanbaatar.mn
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!