2023 оны төсөв батлагдсантай холбоотойгоор Төсвийн байнгын хорооноос мэдээлэл хийлээ.
Хэвлэлийн хурлын үеэр УИХ-ын гишүүн, Төсвийн байнгын хорооны дарга Г.Тэмүүлэн Төрийн өмчийн болон Уул уурхайн чиглэлийн төрийн өмчийн компаниуд ашигт малтмалыг олборлохоос эхлүүлээд тээвэрлэж, экспортлох хүртэлх бүх үе шатад хамаарах гэрээнүүдээ Татварын нэгдсэн системд бүртгүүлдэг байх шийдвэрийг УИХ-аас гаргасныг онцоллоо.
Мөн Төрийн өмчийн компаниудад хамаарах нууцын гэх зэрэглэлтэй гэрээнүүдийг энэ ондоо багтааж УИХ-д танилцуулах үүрэг даалгаврыг Засгийн газар авсныг мэдэгдлээ.
