Өнөөдрийн УИХ-ын чуулганы үеэр УИХ-ын гишүүн Д.Ганбат 2023 оны төсвийн төсөлтэй холбоотойгоор байр сууриа илэрхийллээ.
Тэрбээр “2023 оны төсөв биелэнэ гэдэгт итгэхгүй байна. 2022 оны төсөв ч биелээгүй. Энэ тал дээр санал бодлоо илэрхийлж байгаа хүн алга.
2022 онд 36 сая тонн нүүрс авна гэсэн хаана байна. Барилга, бүтээн байгуулалтын ажил урагшлахгүй, хүмүүсийн цалин ч өссөн юм алга. Ард түмний амьдрал өдрөөс өдөрт дордож байна. Өнөөдөр л гэхэд долларын ханш 1-2 төгрөгөөр өссөн байна.
Энэ бол Чингис хаан өглөө бүр урд Тангуд улс байгаа шүү гэж сануулж байсантай адил бидний ажил болохгүй байна шүү гэдгийг илэрхийлж байна” гэв.
