Улс төрийн намын тухай хуулийн шинэчилсэн найруулгыг хэлэлцлээ. Энэ үеэр ЕТГ-ын дарга Я.Содбаатар дараах мэдээллийг өглөө. Тэрбээр “Улс төрийн намын дарга нь Ерөнхий сайд хийж байна. Энэ утгаараа эрх баригчдын зүгээс хамгийн их нөлөөлөл орж болох нь гүйцэтгэх засаглал буюу ЗГ-ын харьяа байгууллага. УИХ дээр авч ирэх үү, шүүх дээр хэлэлцэх үү гэхээр шүүх засаглалын чиг үүрэг биш болж таарч байна. Хамгийн хараат бус байж болох нь УИХ-ын дэргэдэх сонгуулийн хороо юм байна гэж үзсэн. Сонгуулийн ерөнхий хороогоо ОНРТ шиг олон нийтийн болгож байгаа. 5-ыг УИХ-аас хоёрыг нь ерөнхийлөгчийн зүгээс гэх мэтээр оруулна. Ингэхгүй бол эрх барьж байгаа нам сонгуулийн үед намуудыг бүртгэхгүй байх, сонгуульд оролцуулахгүй байх гэх мэтчилэн асуудал гардаг. Үүнийг л хязгаарлах гэж СЕХ-нд хариуцуулж байна. Өмчийн тухайд намууд байшингаа ТББ-уудын нэр дээр болгочихсон байдаг юм билээ” гэв.
Мөн тэрбээр “Намынхаа ойг хийе гэтэл ганцхан хүнтэй нам хүртэл байна. Эдгээрийг л хуулиар цэгцлэх гэж байгаа” гэлээ.
Amlalt.mn
