Ардчилсан Залуучуудын Холбооноос/АЗХ/ нээлттэй микрофон болон БГД-ийн ИТХ-ын нөхөн сонгуулийн асуудлаар өнөөдөр хэвлэлийн хурал зохион байгууллаа.
АЗХ-ны тэргүүн Н.Болдбаатар "Нээлттэй микрофоныг нэг сарын хугацаанд ажиллууллаа. Энэ үеэр 324 иргэн үзэл бодлоо илэрхийлж, үгээ хэлсэн.
Шүүхийн тогтолцоо, авлигын гэмт хэрэг, нийгмийн тэгш бус зэрэг олон асуудлыг ярилцсан. Нийгэмд үзэл бодлоо илэрхийлэх алхам байх ёстой. Үүнийг залуучууд түүчээлэх нь зөв гэдгийг хэлсэн. Нээлттэй микрофон арга хэмжээний үр дүнд Ерөнхийлөгч У.Хүрэлсүхэд ил захидал илгээж, Ерөнхий сайд, УИХ дахь АН-ын бүлэгт хүний эрх, эрх чөлөөний тухай дуугарах шаардлагыг тавилаа.
Нээлттэй микрофон ажиллуулах үеэр цагдаагийн байгууллагаас олон удаа дуудах, айлган сүрдүүлэх, торгох арга хэмжээг авах зэрэг дарамт байсан.
АН-ын асуудал жигдэрсэн учир 21 аймаг, 9 дүүрэгт нээлттэй микрофон ажиллуулна. Өнөөдөр Баянгол дүүрэгт эхлүүлнэ" хэмээн ярилаа.
Нөхөн сонгуулийн тухайд "Сонгуулийг зохион байгуулахдаа хуулийн хүрээнд сайн нягтлахгүй бол Баянгол дүүргийн нөхөн сонгуульд хууль бус сонгуулийн хороо буюу 2020 оны наймдугаар сард байгуулагдсан сонгуулийн хорооны үйл ажиллагаа эхлэх гэж байна.
Баянгол дүүргийн 11 дүгээр хороонд ИТХ-ын нөхөн сонгууль зарлагдсан. Баянгол дүүргийн ИТХ-ын төлөөлөгч нас барсан тул нөхөн сонгууль болно.
Нийслэлд Баянгол, Сүхбаатар дүүрэгт зургаадугаар сарын 18-нд нөхөн сонгууль явагдах юм" гэв.
Amlalt.mn
