УИХ-ын гишүүн Э.Бат-Амгалан Баянзүрх дүүргийг дүүргийн эмнэлэгтэй болгохын тулд салбарын сайдаас эхлээд шат шатанд асуудлыг хөндөж байгаа тухайгаа мэдээлжээ.
Баянзүрх дүүрэгт сайд нарын 2, ХӨСҮТ, ХСҮТ, Монгол-Япон гээд олон эмнэлэг үйл ажиллагаа явуулдаг. Гэвч дүүргийн тодотголтой харьяаллын эмнэлэг огт байдаггүй юм. Байсныг нь 1997 онд хувьчилсан байдаг.
УИХ-ын гишүүн Э.Бат-Амгалан 2022 оны 10 дугаар сарын 3-нд хэвлэлд өгсөн ярилцлагадаа “Баянзүрх дүүргийг дүүргийн эмнэлэгтэй болгохын тулд миний бие Ж.Чинбүрэн гишүүнтэй салбарын сайдаас эхлээд шат шатанд асуудлыг хөндөж байгаа. Шинээр улсын эмнэлэг барих, шаардлагатай газар чөлөөлөлтийг хийх, 1997 онд хийгдсэн хувьчлалын асуудлыг эргэж харах гэх мэт хэрэгцээт судалгаа, мэдээллийг цуглуулан ажиллаж байна” гэжээ.