Сүхбаатар дүүргийн Эрүүгийн хэргийн анхан шатны шүүхэд хянагдаж буй “Хөгжлийн банк”-ны гэх тодотголтой нэр бүхий 80 шүүгдэгч, 4 хуулийн этгээдэд холбогдох эрүүгийн хэргийн гэм буруугийн шүүх хуралдааны дүгнэлт гарч байна.
Энэ үеэр шүүх бүрэлдэхүүн Ерөнхий сайд асан, УИХ-ын гишүүн Н.Алтанхуягт холбогдох хэргийг хэрэгсэхгүй болгож буйгаа танилцуулав.
Тодруулбал, Н.Алтанхуяг Ерөнхий сайдаар ажиллаж байхдаа Эдийн засаг, хөгжлийн сайдаар ажиллаж байсан Н.Батбаяр, ХБ-ны удирдлагуудтай бүлэглэн Тавантолгой Гашуунсухайт чиглэлд "Говийн зам" компанийн барьсан автозам, Энержи ресурс компанийн Гашуунсухайт боомтын хүчин чадлыг нэмэгдүүлэх зоруилалттай барьсан дэд бүтцийг төрийн өмчит 170 тэрбум 595 сая төгрөгөөр буюу Энержи ресурс, Говийн зам компаниудаас бодит өртгөөс илүү үнээр худалдан авч, ХБ-нд их хэмжээний хохирол учруулсан, эдийн засгийн давуу байдал бий болгосон гэх үйлдлийг улс төрд нөлөө бүхий албан тушаал хашиж байхдаа үйлдсэн мөн ХБ-ны удирдлагуудтай үгсэн хуйвалдаагүй боловч үйлдлээрээ санаатай нэгдэж Бэрэн групп ХХК-д эдийн засгийн давуу байдал бий болгож тус компанийн Эрдэнэт хотод баригдаж байсан барилгын арматурын төсөлд 22.7 сая ам.долларын зээл олгож ХБ-нд их хэмжээний хохирол учруулсан гэмт хэрэгт тус тус үйлдсэн нь тогтоогдохгүй байх тул гэм буруугүйд тооцон холбогдох хэргийг хэрэгсэхгүй болголоо.
Amlalt.mn
