УИХ-ын чуулганы хуралдаанаар Улаанбаатар хотын түгжрэлийг бууруулах, гэр хорооллыг орон сууцжуулах хуулийн төслийг үзэл баримтлалын хүрээнд хэлэлцэхийг дэмжлээ. Хуулийн төслийг Засгийн газраас яаралтай горимоор хэлэлцүүлэхээр УИХ-д өргөн мэдүүлсэн юм.
Уг хуулийн төсөлд авто замын түгжрэлийг бууруулах хүрээнд хотын төвийн хэсгийг төлбөртэй болгохоор тусгаад байгаа юм. Төлбөртэй бүсийн зааг хийгээд төлбөрийн хэмжээг нийслэлийн ИТХ-аар тогтоохоор хуульд тусгасан байна.
Түүнчлэн гэр хорооллын дахин төлөвлөлтийн төслүүдийг эрчимжүүлж, орон сууцжуулахаар төсөлд тусгажээ. Ингэхдээ газар чөлөөлөх үндэслэлийг нарийвчлан тодорхойлж, газар чөлөөлөлтийн нөхөх олговрыг газраар дүйцүүлэн олгох, үл хөдлөх болон хөдлөх эд хөрөнгөөр, мөнгөн зардлаар худалдан авах болон бусад боломжит хэлбэрээр олгож болохоор тусгажээ.
