Аялал жуулчлалын стандартыг шинэчлэх Дэд ажлын хэсгийн анхдугаар хуралдаан боллоо
Ангилал
ЗГ-ын гишүүд УИХ-ын гишүүд
Огноо
Унших
1 минут 52 секунд
Аялал жуулчлалын стандартыг шинэчлэх Дэд  ажлын хэсгийн анхдугаар хуралдаан боллоо
Нийтлэсэн огноо:

Аялал жуулчлалын стандартыг шинэчлэх Дэд ажлын хэсгийн анхдугаар хуралдаан боллоо

Монгол Улсын Засгийн газрын 2022 оны 350, 371 дүгээр тогтоолоор Аялал жуулчлалыг хөгжүүлэх үндэсний хороог шинэчлэн баталсан. Тус хороо нь 6 дэд ажлын хэсэгтэй бөгөөд Монгол Улсад мөрдөгдөх аялал жуулчлалын нэгдсэн стандартыг шинэчлэх, сайжруулах, мөрдлөг болгох, хэрэгжүүлэх зорилготой дэд ажлын хэсгийг Монгол Улсын Шадар Сайд С.Амарсайханаар ахлуулан төр, хувийн хэвшил, холбоодын оролцоотойгоор бүрэлдэхүүнийг баталсан.

Тус дэд хорооны анхдугаар хуралдаан өнөөдөр болж аялал жуулчлалын салбар дахь стандартчиллын талаар дэд хорооны нарийн бичгийн дарга Б.Эрдэнэзул танилцууллаа.

Өнөөдрийн байдлаар Монгол Улсын хэмжээнд Аялал жуулчлалын салбарт үндэсний 10, олон улсын 5 стандарт хүчин төгөлдөр мөрдөгдөж буй.

Хуралдаанаар Үндэсний стандартуудад үзлэг шүүлт хийх, шинэчлэх, сайжруулах, Стандартын шаардлагыг зөрчсөн болон хангаагүй байгууллагын үйл ажиллагааны зөвшөөрлийг хүчингүй болгох, стандартын хяналтын тогтолцоог бий болгож хөгжүүлэх, Аялал жуулчлалын салбарт тохирлын үнэлгээний байгууллагуудыг бий болгох, хөгжүүлэх тал дээр анхаарч ажиллахаар санал солилцсон юм.

Энэ үеэр Монгол Улсын Шадар сайд

С.Амарсайхан ажлын хэсгийн гишүүдэд Үндэсний стандартад дүн шинжилгээ хийж, уялдаа холбоог хангах, хууль эрх зүйн орчныг цаг үеийн шаадлагад нийцүүлэн шинэчлэх, мөн аялал жуулчлалын чиглэлээр үйл ажиллагаа явуулж байгаа болон бусад үйлчилгээний байгууллагуудад батлагдсан стандартыг таниулан сурталчлах замаар хэрэгжилтийг нь хангуулах болон Олон улсын стандартуудаас шууд нэвтрүүлэх боломжтойг нь судалж танилцуулахыг үүрэг болголоо.

May be an image of 6 people, people sitting and people standing

Шахмал түлшний чанар, орц найрлагыг лабораторийн шинжилгээгээр тогтмол хянахыг анхаарууллаа
Шахмал түлшний чанар, орц найрлагыг лабораторийн шинжилгээгээр тогтмол хянахыг анхаарууллаа
 
Нүүрсний хулгайчдаа зарлаж хариуцлага тооцох, эс бол Засгийн эрхээ чаддаг хүмүүст нь шилжүүлэх гарц үлджээ
Нүүрсний хулгайчдаа зарлаж хариуцлага тооцох, эс бол Засгийн эрхээ чаддаг хүмүүст нь шилжүүлэх гарц үлджээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!