УИХ-ын гишүүн Б.Энх-Амгалан түгжрэлтэй холбоотой асуудлаар байр сууриа илэрхийллээ.
Тэрбээр “Түгжрэлтэй холбоотой асуудлыг бид өөрсдөө анхаарах шаардлагатай байна. Бага зэрэг цас ороход л явж чаддаггүй олон жолооч бий. Улаанбаатарт 450 гаруй мянган машин байгаа. Энэ нь дөрвөн уулынхаа дунд яаж багтах вэ дээ. Тиймээс бид бүс нутгийн хөгжил, хөдөө рүү чиглэсэн бодлогодоо анхаарах хэрэгтэй. Монгол Улсын нийт хүн амын 70 гаруй хувь нь нийт нутгийнхаа 0.03 хувь дээр шамбааралдаж амьдарч байна. Байгалийн гамшиг учирвал хэцүү. Тиймээс тарж байрших ёстой.
Түгжрэлийг бууруулахын тулд нэн тэргүүнд нийтийн тээврийг хөгжүүлэх тал дээр анхаарах шаардлагатай.
Мөн Нийслэл татварын бодлогодоо анхаарахгүй бол хөдөөнөөс орж ирээд халтуур хийж байгаа жолооч нар их байна.
Түүнчлэн цагийн зохицуулалтыг сайн хийх хэрэгтэй. Ялангуяа өглөө, оройны үед” гэлээ.
