Усан бар жил улиран одоход хоёрхон хоног үлдлээ.
Өнгөрөгч бар жилд улс орны хэмжээнд олон үйл явдал давхацсан жил болж өнгөрлөө. Ялангуяа төсвийн хөрөнгө, түмний мөнгийг дураараа үрэгсэд, төрөөс төрсөн тэрбумтнууд, авлигачид, нүүрсний хулгайч нарыг илчилсэн, тэдэнтэй хийх тэмцлийг эхлүүлсэн жил боллоо.
Үүнийг сайны эхлэл гэж харж байна. Ирэх туулай жилд төрөөс хулгайлагсадтай хийх тэмцэлд илүү үр дүн гарна гэдэгт итгэж байна.
2022 онд нүүрсний хулгайтай хэн ч байсан эвлэрэхгүйгээр хатуу тэмцэхээ илэрхийлсэн Ерөнхий сайд маань “нуувчинд орсон мэт” хэвлэлийнхэнээс холдож, хэсэг чимээгүй байсан.
Тэгвэл өнөө орой буюу 2023 оны 02 сарын 19-ний ням гарагийн үдэш MNB-ийн ярилцлагын нэвтрүүлэгт Ерөнхий сайд Л.Оюун-Эрдэнэ оролцож, иргэдийн өмнө хариултаа хүлээж байгаа улс орны хэмжээнд тулгамдсан асуудлууд, Хөгжлийн банкны хэрэг, Нүүрсний хулгайн 40 их наядын асуудал, УИХ-ын Ж.Мөнхбат, Т.Аюурсайхан, А.Адъяасүрэн, Д.Бат-Эрдэнэ нарын нэр бүхий хэд хэдэн гишүүдийг нүүрсний хулгайд холбогдуулан эрхийг нь түтгэлзүүлэх асуудал, ҮХ-ийн нэмэлт өөрчлөлт, Засгийн газрын бодлого, шийдвэр, эдийн засгийн нөхцөл байдал, МАН дах хариуцлагын тогтолцоо зэрэг олон асуудалд хариулт өгөхөөр болжээ.
Ерөнхий сайдын ярилцлагаас олон зүйл тодорхой болно байх. Ялангуяа Засгийн газрыг унагаж, Ерөнхий сайдыг огцоруулах, нүүрсний хулгайгаа “нууж” улс төрийн ашиг хонжоо хийхээр ар хударгаар авирлагсдад Ерөнхий сайд Л.Оюун-Эрдэнэ түс хийсэн хариулт өгөх байх.
Юун бөхийн барилдаан, юун цагаан сар, юун бууз гэдэг шиг Ерөнхий сайдын оролцох ярилцлагыг нийтээрээр чих тавин сонсоё.
Ямар ч зурхайчаас илүүтэй Ерөнхий сайд ярилцлагад оролцох үеэрээ хэлсэн үг, итгэл үнэмшил, үзэл бодол нь ирэх усан туулай жилийн Монгол орны улс төр, нийгэм эдийн засгийн өнгө төрхийг тодорхойлох буй за.
А.Галт
Амлалт.мн
