ЗГХЭГ-ын Д.Амарбаясгалан хүүхдийн мөнгийг бүх хүүхдэд олгох эсэх, зуны цагийн хуваарьт шилжих эсэх талаар мэдээлэл өглөө.
Тэрбээр "Хүүхдийн мөнгийг бүх хүүхдэд олгох эсэх дээр Үндсэн хуулийн цэцийн шийдвэрийг харж байна. Бид бүх түвшинд бүтээмжийг дээшлүүлэх дээр анхаарах цаг болсон. Нар мандаад 2-3 цаг болчихоод байхад Монголчуудын ажил эхлээгүй байгаа нь бүтээмжтэй шууд холбоотой. Долоо хоногийн хугацаанд цагийн зөрүүг гаргах боломжтой.
ОУ-ын түвшинд судалгаагаар эхний 20-д явж байгаа улс орнууд өвөл, зуны цагийн хуваарьт шилжсэн байдаг. Эрчим хүчний салбарт хүртэл хэмнэлт гарна" гэсэн юм.
