АТГ нүүрсний гэх хэрэгт холбогдуулан УИХ-ын гишүүн Т.Аюурсайхан, Д.Бат-Эрдэнэ, Н.Наранбаатар нарыг яллагдагчаар татаж, ерөнхий прокурор бүрэн эрхийг нь түдгэлзүүлэх саналаа УИХ-ын даргад хүргүүлсэн.
Хуулийн дагуу асуудлыг энэ долоо хоногт хэлэлцэн шийдвэрлэнэ. Дэгийн дагуу Халдашгүй байдлын дэд хороо уг асуудлыг өнөөдөр хэлэлцээд Ерөнхий прокурорын саналыг хүлээж авах нь зүйтэй гэсэн шийдвэр гаргасан юм. Эл шийдвэрийг хэлэлцэж, байр сууриа нэгтгэх зорилгоор УИХ дахь МАН-ын бүлэг хуралдаж шийдвэрээ гаргалаа.
Бүлгийн дарга Д.Тогтохсүрэнгийн хэлснээр Т.Аюурсайхан, Д.Бат-Эрдэнэ, Н.Наранбаатар нарын гишүүний бүрэн эрхийг түдгэлзүүлэн шалгах нь зүйтэй гэж үзжээ. Одоо Хууль зүйн болон Төрийн байгуулалтын байнгын хороо хуралдана.
Маргааш УИХ-ын чуулганы нэгдсэн хуралдаанаар дээрх асуудлыг хэлэлцэн эцсийн шийдвэр гаргах юм.
