Яг энэ цаг үед Монгол Улсын ерөнхийлөгч, Монгол Улсын Ерөнхий сайдаар ажиллаж байгаа төрийн өндөр албан тушаалтнууд Хэнтий аймгаас угшилтай. Энэ жилийн аймгуудын төсвийн төсөлд Хэнтий аймгийн төсөв хамгийн өндөр төлөвлөгдсөн нь олны анхааралд өртсөн. Тэр талаас нь нь авч үзвэл Хэнтийчүүд “азтай” ч гэмээр улс юм.
Түүгээр зогсохгүй Монголын стратегийн болон хүчний байгууллагын удирдлагуудад Хэнтий аймгаас угшилтай хүмүүсийг томилсон нь санамсаргүй хэрэг биш гэлтэй.
Тухайлбал, Хууль зүйн сайд Х.Нямбаатар, Цахим хөгжлийн сайд Н.Учрал, ХХААХҮ-ийн дэд сайдаар М.Ганхүлэг, “Улаанбаатар Төмөр зам” ХНН-ийн дарга Х.Хэрлэн, Авлигатай тэмцэх газрын дарга АТГ-ын дарга З.Дашдаваа, ЦЕГ-ын дарга Ж.Болд, Шүүхийн шийдвэр биелүүлэх ерөнхий газрын дарга О.Амарсанаа, Монгол банкны тэргүүн дэд ерөнхийлөгч Г.Дөлгөөн, ЦЕГ-ын Тэргүүн дэд дарга хурандаа П.Оростогоо нарын төрийн яамд, томоохон агентлагийн дарга нар Хэнтий аймгаас угшилтай.
Ерөнхий сайд Л.Оюун-Эрдэнэ сүүлийн үеийн томилгоондоо Хэнтий аймгаас гарвалтай “нөхдүүдийг”, тэр тусмаа Хууль шүүхийн голдуу байгууллагын дарга нарыг томилох болсон нь магадгүй энэ салбарыг гартаа авч, өөрийн эсрэг чиглэсэн элдэв акцийн хүчийг бууруулах, “дайснаа дарах” зорилго агуулж байгаа юм биш биз гэсэн хардлагыг төрүүлж байна. Харин ХХАХҮЯ, Монгол банк, Улаанбаатар төмөр замын удирдлагуудын хувьд Хэнтий аймгийг хөгжүүлэх үйлсэд “хүчээ өргөх”, дэмжлэг үзүүлэх зорилготой юм боловуу гэж бодоход хүргэж байна.
Амлалт.мн
