Хотын дарга Долгорсүрэнгийн Сумъяабазар метротой болох техник эдийн засгийн үндэслэлийг Засгийн газарт танилцуулах бэлтгэл ажил хангагдсан гэж мэдээллээ. 420 тэрбум төгрөгөөр түгжрэлийг бууруулж чадахгүй гэдгээ ч хэллээ. Санхүүгийн схемээ зурж, мэргэжлийн компаниудтай хэлэлцээрт орж, метроны эхний шугамыг 1,5 тэрбум доллароор хийж амжуулна гэж тооцсон юм байна. Эхний шугам шинэ нисэх чиглэлд баригдах гэнэ.
Барим тавим ярьж байна. Дараагийнхаа Долоон буудал тийш цэцэглүүлнэ гэнэ. Доошоо газар доогуур хийх бүтээн байгуулалтын төлөвлөлтөө хийж байна гэлээ. Хотын дарга маш тодорхой ярьж байна. Санхүү нь төсвөөс бус ,
Дорноговь дахь хүрэн нүүрсээр өртгийг төлөх юм байна. Улаанбаатар хот Дорноговь аймаг хамтран ашиглаж, хүрэн нүүрсний талбайгаас хайгуул хийн ордын нөөцийг бий болгоод эрдэс баялгийн зөвлөлөөр батлуулж, олон улсын стандартад нийцүүлэн хийнэ гэж байна. Харганын ноос түүхийн үлгэр гэж харахаар, гэвч өөрийн нь хэлснээр гэгдэн цахимаар гараад байгаачлан итгэхгүй байгаа ч хийнэ гэдэг ийм байдлаар хэвлэлд Мээрийн хэлсэн үг гээд байж байна.
Эхний ТЭЗҮ-д 950 сая орчим доллар байсан, жаахан нэмэгдээд 1, 5 тэрбум долларын санхүүжилттэй болсон гэж ярьжээ, хотын дарга маань. Улаанбаатарын утаа, нийтийн тээвэр, эрчим хүчний дутагдал , гэр хорооллын дахин төлөвлөлт, замын байгууламжийг цогц байдлаар шийдэх тогтоолын төслийг Засгийн газарт илгээчихсэн байгаа гэж тэрээр мөн нотолжээ.
Хууль зүйн сайд Х.Нямбаатар мөн нүүрсээр бартердан, хил хүргээд зогссон төмөр замыг хил давуулах терминалыг шийдэхээр явсан гэх мэдээлэл хэвлэлээр мөн гарч байна. Зам тээврийн сайд, нисэх чигийн хэлэлцээрийг маш их хийж байгаа С.Бямбацогт хамт явж байгаа тухай мэдээлэгдэхгүй байх шиг.
Нүүрсээр л бүх юмаа бартердана гэж дарга нар маань яриад байна. Болох л юм байлгүй дээ. Нүүрснийхээ дөчин их наядын хулгайн асуудлаа шийдээгүй байгаа улс шүү дээ. Хотын захирагч Долгорсүрэнгийн Сумьяабазар мөн ярьжээ. УИХ хууль тогтоомжоор түгжээ, түгжрэл үүсгэж байна гэж хэлжээ.
Улаанбаатар хот эрх мэдлээ хэрэгжүүлэх гэхээр яамд бүх эрх мэдлийг тоносон гэж хэллээ. Бүх эрх мэдэлтэй хүмүүс , яам тамгын газрууд зөвшөөрлийг нь салгаад авчихсан учраас хот хүндрэлтэй байна гээд, жишээлэхэд , Боловсролын яам нийтийн тээврийн жолоочид зөвшөөрөл өгдөг, Зам тээврийн яам авто машины үзлэг оношилгоог хийдэг гээд хэлжээ.
Энэ мэтээр хотын ажлыг цалгардуулдаг. Бодлогын юмаа л УИХ нь шийддэг баймаар байна. Тийм учраас эрх мэдлээ хэрэгжүүлэх, ахуйгаа шийдэх орчныг хуулиар нээж өгмөөр байна гэж учирлажээ. Дүлийрчихсэн, өөрсдийн зөв гээд итгэчихсэн хүмүүсийн бүрдэл УИХ-д байгаа гэжээ. Нийгэм нь хөгжих гээд урагшаа явах гэхээр түгжээ, түгжрэл болж байгаа гэж тодорхой хэлсэн байна.
УИХ-ын дарга Г. Занданшатар аа, та Д.Сумъяабазарыг боомилохоо боль л доо. Энэ хүн үнэхээр ингэж ажиллая гэж байхад та ингэж хууль эрх зүйн орчноор нь хааж боож болохгүй биз дээ. Хөгжих боломжоо харчхаад, зохицуулалтыг хийгээд өг , дэмжээд өгөөч гэхээр хуулиараа хаачихдаг гэж Д.Сумяабазар дарга хэлсэн байна.
Гомбожавын Занданшатар дарга номын яармаг сурталчлаад, Тогмидын Доржхандаас эхлээд уншсан мэдсэнийг нь гайхаад, бишрэн сүслээд байдаг шүү дээ. Уншиж болох, мэдэж болох бүгдийг мэддэг хүн гэж спикер Г. Занданшатарыг магтах хүн олон байдаг биз дээ. Д. Сумъяабазарын олж харчхаад дэмжээд өг гээд байгаа хөгжлийн асуудлыг Г. Занданшатар мэдэхтэйгээ, шийдэж өгөхтэйгөө байх мэдлэг боловсролтой хүн гэдгийг УИХ-ынхан нь бүгдээрээ мэдмээр.
Б.БАЯР
АМЛАЛТ.МН
