“Эргэж ирсэн минь” хэмээх номоо гишүүн Ням-Осорын Учрал улирагч оны хорин есний өдөр нээв. Ингэхдээ хэлсэн үгнүүдээс би ард түмэндээ өртэй, хариулах тус их гэж хэллээ.
Улс төрчид иймэрхүү үг хэлдэг л дээ. Гэхдээ Н.Учралаас үүтгэгдэн хэлж байгаа энэ үгэнд ихээхэн өөр хандаж ойлгох учиг бий билээ. Тэрбээр саяхан, ойрмогхны нэгэн жилд өөрийн нь хэлснээр удаан унтсан, нэг үгээр хэлбэл тэрбээр маш их өвдөж, удаан эмчлүүлсэн.
Ер нь бол нөгөө ертөнцийн хаалганаа очоод буцан ирсэн аж. Үүнийгээ л мань гишүүн эргэн ирсэн минь гэж өгүүлээд ном болгосон нь тэр юм. Эргэн ирж, мөн л өөрийн нь хэлсэнчлэн гайхамшигт амьдралаа бүтээхээр гайхамшигт амьдралдаа эргэн ирсэн гэж тийн хэлээд байгаа хэрэг.
Өвчин зовлонг даах нь, түүний цаана гарч бодох нь магад гарсан бодит хүний чанарыг илрүүлдэг үнэнтэй хорвоо. Энэ л учраар Н.Учрал гэдэг УИХ-ын залуу гишүүн тэр нэгэн цагийн тохиолдолд айхтар өвдөн гэмтэж, нийтийн хэллэгээр үхээд боссон нь үнэн.
Чухам энэ шалгарсан үнэний дараах түүний үг хэллэг, үйлдэл өндөр түвшинч ёс суртахуун, ухаалаг хандлагыг илэрхийлж байгааг харж бүрнээ болох байна. Тэрбээр мөн хэлсэн, одоо надад албан тушаал, эрх мэдэл, өв хөрөнгө аль нь ч огт онц чухал биш ээ, харин гэр бүлдээ, амьдралдаа эргэн ирж, намайг гэсэн зон олондоо л сэтгэл хамт байх нь хамгийн чухал байна гэсэн.
Өнөөдрийн эрх мэдэл, алба тушаалын боол бологсдоос хамаагүй өөр түвшинд утга шигширсэн үг хэл л дээ. Яг үнэндээ өнөөдрийн Засгийн газрын сайд нараас хамгийн бодитой ажил нь харагдаж байгаа сайд Н.Учрал.
Цахим дата, мэдээллийн стандарт төвлөрөл бүхнийг энэ хүний үйлс буй болгож, нийгмээ хянах, хяналтаа бүрэн бий болгох ард түмний эрхийг энэ сайд угсарч, хийж байгааг бид мэдэх ёстой.
Хамгийн адаглаад л, машиныхаа шилжүүлгийн гэрчилгээг цахим машинаар шилжүүлэн хийх бололцоог бий болгож байна. Төрийн өмчит бүх компаниудын бүх мэдээлэл, ерөөс нийгмээ шинээр харан, ухаалгаар удирдалцах иргэний бүхий л боломжийг энэ сайдын үйл хэрэг хангаж байгаа.
Тендер, газар олголт, ер юу эс бүхэн. Цахим шилжилт, цахимаар цаг зав, зардал мөнгө, хөдөлмөрийн хэмнэлт, ил тодын ололт гээд орчин үеийн хөгжсөн нийгмийн бүхий л загварчлалыг цахим, харилцаа холбоонд сайд Ням-Осорын Учрал оройлон манлайлж байгааг олон нийт мэдээж сайшааж байгаа юм.
Н.Учрал бол Засгийн газрын хамгийн залуу гишүүн. Бас хамгийн нэр цэвэр сайдын нэг. Нүүрс, авлигын нус тоос, элдэв бусармагаас хол залуу. Ингэж үлгэрлэх учиртайгаа ч эргэн ирсэн эс эд бүхнээрээ мэдэрсэн залуу.
Дэвшилтэт нийгмийн бүхий л зураглалыг харж, өөрөө ч идэвх зүтгэл, олон талт байдлаараа манай шинэ үеийг гарцаагүй манлайлалцах залуу удирдагч мөн.
Ард түмэндээ үйлсээрээ өр төлж, эрх мэдэл албан тушаалын боол байх, өндөр сэнтийд хүйтэншсэн хандлагыг нэн шинээр дулаан, ээлтэй, ачлалтай байлгахад, түүний "эргэн ирэлт" бүх талаар мөн үлгэр жишээ болох нь дамжиггүй нь тод илэрхийлэгдэх.
Хорин дөрвөн оны улс төр, хууль тогтоох, засаглах эрх мэдэл, түүгээр дамжсан нийгмийн зөв зүйт зохионгуйг Н.Учралаас эрэх ард түмний мөшгөлийг тэр өөрөө бүр ч илүүтэй гүн мэдэрч байгаа, дам эчнээ захиалга нийгмээс түүнд очиж байгааг тааж ядах юмгүй юм.
Б.БАЯР
Амлалт.мн
