Дүү нь авьяаслаг нөхөр л дөө. Намайг Амараа гэдэг гээд чүдэнз асаагаад байдаг нөлөөлөгч л дөө. Чүдэнз асаагаад л эгчээ Төрийн нарийн, улмаар гишүүн болгосон л гэдэг. Хүний сайн дүү эгчдээ зүтгэлгүй л яахав, эгч нь зүтгүүлэлгүй л яахав.
Гэтэл, Ц.Цогзолмаа сайдаас буухдаа, ээ дээ манай төрийн нарийн бол төр самарч байна, түүнийг л буулгах хэрэгтэй гэж мэдэгдэж байв. Юун буух байхав, бүр дэвшээд явсан, гишүүн болсон. Болуутаа л, Завханд ажиллахдаа цэрэг цагдаагийн хувцас өмсөөд жимбийлгэж эхэлсэн л дээ.
Эрдэнэт үйлдвэрийн дэмжлэгтэйгээр хөдөөгийн сургуулиудыг боловсон 0-той болгоно гээд л МАН амлалт өгсөн, мань гишүүн өөрөө ч ярьсан. Зөв л дөө. Гэхдээ, тэр нь ажил хэрэг болсонгүй юу даа. Эхлэх төдий болсон уу, тэгсгээд л суларчих шиг болсон. Х.Бадамсүрэн гэдэг ч угаасаа сулруулахын цондонтой этгээд л дээ.
Нэгэн үе эмэгтэй гишүүдийн сэтгэлийг татах л арга байсан шиг ойлгогддог. Балжиннямын Баярсайхан уг дүү цовоо ч, үйлс алхаа нь энэ жилүүдэд тийм ч тод байсангүй. Үг хэл харьцангуй цэгцэрсэн, муугүй ярих ч, үнэндээ хийсэн бүтээснээрээ тийм ч гойд байж чадсангүй. Сэтгүүлч хийж нэг хэсэг явсан, Ийгл тв-гийн захирлаар ажиллаж л байсан.
Нөхөр П.Баярмагнайгаа Америкт дипломат алба хашуулаад амжсан. Одоо баруун дөрвөн аймагт өрсөлдөж тоосоо үзнэ гээд явах шиг байна. Завханыхан нь дэмжиж болох юм. Ховд, Увс, Говь-Алтайнхан дэмжих үү дээ, тун эргэлзээтэй. Ховд, Увсынхан хүүхнүүдэд тийм ч ээлтэй биш. Эмэгтэй хүн сонгож үзээгүй улс шүү дээ. Б.Баярсайханы ээж нь, аав нь бил үү дээ, Ховдын хүн гэдэг. Тэрийгээ удахгүй их ойлгуулах биз.
МАН-ынхан Б.Баярсайханыгаа баруун аймагт явуулах уу, жагсаалтаар нэр дэвшигсэд рүү зоох уу, тааллын нь асуудал биз. Б.Баярсайхан нь харин бахтай юу, бачтай юу гэдгийг ард түмэн шүүнэ л дээ. Б.Баярсайхан УИХ дээр юм ярихдаа хурц зоримог маягийн, ер нь шүүмжлэх гээд байдаг. Үүнийг нь ард түмэн харахдаа нэг тийм загнасан л хүүхэн гэх гээд байдаг. Өөрөө ч загнаж байж оноо авна гэж боддог юм уу, загнаад л байх төлөвтэй юм билээ.
Хүүхэд, нийгмийн асуудлуудад дуугарч байгаа нь буруугүй л харагддаг. Байгаа оноод ч байх шиг үзэгддэг. Яамны Төрийн нарийн хийхдээ хачин авир үзүүлж л байсан. Хачин гэдэг нь сандал ширээгээ яв цав өөрчилсөнд байдаг. Хөнгөн дэгжин байна аа гээд нөгөө нүсэр хүрэн тавилгуудын оронд хөнгөхөөн цагаан ширээ сандал тавьсан гэдэг. Өөрчлөлт хүсдэг хүн байх л даа.
Харин өөрөө УИХ-д ороод өөрчлөлт авчирав уу даа. Тэгсхийж гунхаад л дөрвөн жил болчих шиг боллоо. Б.Баярсайханд ямар хууль авторлагдаж байна вэ. Байна уу, байхгүй юу. Санаанд орох юм гарахгүй байгаа биз. Энэ чинь нэг юм хэлээд байгаа биз. Их хурлын гишүүн байж чадав уу, үгүй юу гэдэг асуултын л эхний хариу л даа. Завхан аймгаас сонгогдсон.
Завхан бол хөгжлийн үзүүлэлтээрээ энэ улсад араасаа тэргүүлэх үзүүлэлттэй явдаг. Б.Баярсайхан энэ аймгаа урдаасаа тэргүүлэх болгодоггүй юм гэхэд, дунд нь лав аваачсангүй юу даа, энэ он жилүүдэд. Нэг бөх нөхөр сонгосон, өнөөх нь дэргэдэх хөрөнгө оруулагчдаа хөөсөн, туусан, хажигласан л хүн байх.
Эрчим хүч энэ аймгийн үндсэн асуудал. Хөгжилгүйн шалтгаан. Станц барья гэхээр бариулдаггүй улс төрийн лай нүүрлэсэн л аймаг даа. Б.Баярсайхан Ц.Цэрэнпунцагтаа хэлэх хэрэгтэй. Үнэхээр барья гээд байгаа юм бол, тэр Тосондоо тэр станциа сонгуулийн өмнө бариатах, харъя гээд хэлэх хэрэгтэй. Сонгуулиас хойш бол хэрэггүй ээ, үлгэр гэдгийг нь хэлэх хэрэгтэй. Тэр бөх улс төрч улс орон хөгжүүлэхээсээ илүү бурханы сэрэг дүр барьж, Бага тэнгэрийн аманд бөө удган залах л үүдэл шалтгаантай хүн үзэгддэг.
Завхан аймагт, за даа, гарцаагүй Б.Баярсайхан л хэрэгтэй гэх улс төрийг өнгөрсөн 4 жил хийгээгүй хүн өдгөө үлдсэн дөрвөн сард хийж чадах уу даа. Ингээд үзэхээр Б.Баярсайханы багцаа тодроод л байгаа юм.
Б.ГАРЬД
Амлалт.мн
