Гишүүн Балжиннямын Баярсайхан маш үнэн зүйлийг ярьж байна. Үнэн зүйл ярих үнэ цэнтэй.
МАН-ын мөрийн хөтөлбөрт малын түүхий эдийг боловсруулна, арьс шир, ноос ноолуур, амьсгаанаас бусад нь алт гэгддэг буянаа боловсруулна, тэр тусмаа Дарханд үүнийг эрхэлсэн үйлдвэрлэл байгуулна гэж заасан.
Гэтэл төрийн хувийн хэвшлийн хавираа, нидэр дээрээ төрийн эрхлэл бодлогогүйн улмаас гацсан байдалтай байдагт үнэхээр бухимддагаа хэллээ.
МАН-ын мөрийн хөтөлбөр иймэрхүүгээр “хэрэгжиж” байгаа. Бас Говь-Алтай, Завхан аймаг цахилгааны хараат байдалтай амь зууж байна. Ямар ч үйлдвэрлэл үйлчилгээ явуулах боломжгүй байна гээд “гашуудаж” байна.
Гашуудахаас аргагүй, ямар ч хөгжилгүй юм чинь. Уг нь эрхэм гишүүн хатагтай Завханы Тэлмэнд баригдахаар эртнээс бэлтгэгдсэн, яг өөрийн нь яриад байгаачлан төрийн дэмжлэг үгүй, хувийн хэвшлийг хяхах замаар гацаагаад байгаа Тэлмэний дулааны станц, түүнийг түшиглэн баригдахаар Засгийн газраас хэдийн тогтоол гаргасан аж үйлдвэрийн паркийг барих үйлсийг дэмжээд, энэ дөрвөн жилд ажилласан сан бол одоо харин баруун бүсээс зүгээр л нэгээр гараад ирэх байлаа л даа. Гэвч ийм зүйл болсонгүй.
Ардын намын арван хувьт, Л. Гүндалай, Ц.Сэдвээнчиг тэргүүтэн Хөвсгөлд шаахайн мөр гаргахгүй гээд л Могойн гол дээр баригдах байсан станцыг арагш нь шидсээр энэ хүрснийг дөрвөн жилийн өмнө Б.Баярсайхан уг сурвалжаар нь мөрдөөд, Завханаа хөгжүүлье гээд зүтгэсэн бол өдийд баатар байх байлаа.
Эрчим хүчний сайд нь Улаанбаатараар барилга л хувийн компаниараа овоолоод байхаас, эрчим хүчнийхээ чиглэлээр алхам урагш ахихгүй байсаар.
Цахилгааны хязгаарлалттай өвөлжицгөөлөө шүү дээ, Монголоороо. Монголын хөгжлийн, Монгол хөгжихгүй байгаагийн шалтгаан ердөө л хий хоосон поп улс төр, “эх орончдод” байгаа юм.
Нэг аварга бөх надгүйгээр сонгуульд МАН ороод хэрэггүй ухаантай юм яриад зогсож байна. Хорин жилд зөвхөн ухралт, хөрөнгө оруулалтын эсрэг явсан хүн дээ. Өнөө маргаашгүй урд Замын -Үүдийн боомт 24 цаг үйл ажиллагаатай болох нь шиг байна.
Ерөнхий сайдын санаачилсан Боомтын сэргэлтийн бодлогын хүрээнд сайд Б.Тулга, Сангийн сайд Б.Жавхлан нар дориун ажиллаж байх шиг байна.
Бүх боомтоо 24 цаг болгоосой. Боомтын сэргэлт гэдгийг Л.Оюун-Эрдэнэ жилийн өмнө л ярьж эхлүүлсэн. Ингэж л урагшилмаар байгаа юм л даа. Болгоё бүтээе гээд зүтгэдэг улс бол болгоод л байгаа биз дээ.
Гэтэл ганц станц барьдаггүй сайд мунгинасаар, хөрөнгө оруулалт хийгээд станц барья гэсэн хүмүүсээ “жадалсаар” улс төр нь ухралт тулгасаар.
Одоо удахгүй "алаагүй баавгайн арьсыг хуваахын" үлгэрээр Байдраг дээр станц баривал бараг Монгол сөнөнө гэж ярих хүмүүс гараад ирнэ. Харж л байгаарай.
Б.ГАЛТАЙ
Amlalt.mn
