Хууль зүй, дотоод хэргийн сайд Б.Энхбаяр өнгөрсөн 7 хоногт ЗГХЭГ-ын дарга Д.Амарбаясгалантай холбоотой мэдээлэл гаргаж, түүн рүү нэлээд "дайрсан" үг хэллээ.
Эндээс харахад сонгууль дөхсөн энэ өдрүүдэд Хотын фракцийн төлөөлөл болох ХЗДХ-ийн сайд Б.Энхбаяр, ЗГХЭГ-ын дарга Монгол Ардын Намын Ерөнхий Нарийн Бичгийн дарга Д.Амарбаясгалантай тааруу харьцаатай байгаа нь тод харагдаж байна.
Үүний гол шалтгаан нь Хууль зүй, дотоод хэргийн сайд Б.Энхбаяр “Ногоон автобусны” хэрэгт холбоотой Хотын дарга асан Д.Сумъяабазарыг “хамгаалж”, түүнийг огцруулахад хүргэсэн ЗГХЭГ-ын дарга Д.Амарбаясгаланд “өсөрхөж”, түүнийг нүүрсний хулгайтай холбон дайрч байна гэж харагдах юм.
Тиймээс ХЗДХ-ийн сайд Б.Энхбаяр “дээрээс өгсөн чиглэл”-ийн дагуу МАН дах Хотын фракцийн эрх ашгийг хамгаалж, МАН-ын Ерөнхий Нарийн Бичгийн дарга Д.Амарбаясгаланг эрх мэдэл, албан тушаалаас нь холдуулах, нийгэмд муухай харагдуулах, нүүрсний хулгайч мэтээр ойлгуулах, сонгуульд нэр дэвшүүлэхгүй байлгахын төлөө махран зүтгэж байна уу даа гэж харагдах.
А.Галт
Amlalt.mn
