Олон Улсын Хүүхдийн эрхийг хамгаалах өдрийг тохиолдуулан цагдаа, дотоодын цэргийн байгууллагаас гурав дахь жилдээ “Хүүхэд таныг хамгаалъя” нээлттэй өдөрлөгийг өнөөдөр /2024.05.30/ Сүхбаатарын талбайд зохион байгууллаа. Тус өдөрлөгт E-Мongolia, E-KIDS хамтран оролцов.
“Хүүхэд таныг хамгаалъя”өдөрлөгийн нээлтэнд ЦХХХ-ны сайд Н.Учрал оролцож цагдаагийн байгууллагын удирдлагуудтай хамтран ажиллах талаар санал солилцож, хүүхдийн аюулгүй байдалтай холбоотой хийж буй ажлуудтай нь танилцлаа.
Цахим хөгжил, харилцаа холбооны сайд Н.Учрал “Хүүхэд бүхэн эрүүл, аюулгүй орчинд аз жаргалтай өсөж торних нөхцөлийг томчууд бид бүтээх ёстой. Үүнд манай салбар хамгийн чухал нөлөө үзүүлнэ. Тиймээс бид технологиор хүүхдээ хамгаалах ажлуудыг үе шаттайгаар хийж, E-Кids-ийг нэвтрүүлсэн. Тун удахгүй хүүхдийн аюулгүй байдлыг хангахад чухал нөлөө үзүүлэх хүүхдийн платформ нэвтрүүлэхээр ажиллаж байна. Эцэг эх, хүүхэд багачууддаа удахгүй сайхан мэдээ дуулгах болно” гэлээ.
