Үндсэн хуулийн цэцийн Дунд суудлаараа хуралдаж, мэдээлэл гаргагч нарын хүсэлтэнд үндэслэн Эрүүгийн хуулийн 13.14-р заалт буюу Худал мэдээлэл тараах тухай зүйлчлэлээр 2 өдөр хуралдаж, дүгнэлтээ танилцууллаа.

Үндсэн хуулийн цэцээс Эрүүгийн хуулийн 13.14 дүгээр зүйлд “Хүний нэр төр, алдар хүнд, хуулийн этгээдийн ажил хэргийн нэр хүндэд халдсан илт худал мэдээллийг олон нийтэд тараасан бол 450 нэгжээс 1300 нэгжтэй тэнцэх хэмжээний төгрөгөөр торгох, эсхүл 240 цагаас 720 цаг хүртэл хугацаагаар нийтэд тустай ажил хийлгэх, энхүл 1 сараас 3 сар хүртэл хугацаагаар зорчих эрхийг хязгаарлах ял шийтгэнэ” гэж заасан нь Монгол Улсын Үндсэн хуулийн 1 дүгээр зүйлийн 2 дахь хэсгийн “Эрх чөлөө, Хууль дээдлэх нь төрийн үйл ажиллагааны үндсэн зарчим мөн, 16 дугаар зүйлийн 16 дахь заалтын үзэл бодлоо чөлөөтэй илэрхийлэх, үг хэлэх, хэвлэн нийтлэх, эрх чөлөөтэй”, мөн зүйлийн 17 дахь заалтын “төр түүний байгууллагаас хууль ёсоор тусгайлан хамгаалбал зохих нууцад хамаарахгүй асуудлаар мэдээлэл хайх хүлээн авах эрхтэй”, 70-р зүйлийн нэг дэх хэсгийн Үндсэн хуульд хууль бүрнээ нийцсэн байвал зохино” гэж заасныг тус тус зөрчсөн байна гэж үзэж Эрүүгийн хуулийн энэ заалтыг ҮХЦ-д маргаан хянан шийдвэрлэх ажиллагааны тухай хуулийн 32 дугаар зүйлийн 4-д хэсэгт заасны дагуу 2025 оны 11 дүгээр сарын 25-ны өдрөөс эхлэн түдгэлзүүлсүгэй гэсэн ДҮГНЭЛТ гаргав.

Ингэснээр ҮХЦ-ийн Дунд суудлын хуралдаанаас гаргасан эл дүгнэлтийг УИХ-ын нэгдсэн чуулганаар хэлэлцэх бөгөөд УИХ-ын гишүүдийн олонхи нь хүлээн авах боломжгүй гэж үзвэл ҮХЦ-ийн дүгнэлтээ Их суудлын хуралдаанаар хуралдан шийдвэрлэнэ. Цэцийн Их суудлын хуралдаан хэвээр үлдвэл Эрүүгийн хуулийн 13.14-р заалт Эрүүгийн хуулиас хасагдах ёстой болж байгаа юм.

Amlalt.mn