Даваажанцангийн Сарангэрэлийг даруй илгээн, албыг нь авна гэдгээ Ардын намын залуу дарга нар, залуу хүүхнүүдтэйгээ завсар заваараа ярьсанаа ил тод хэлэн аархаж байна. Цагтаа бас л У.Хүрэлсүх даргын өнгөн дээр Чинабатын Номингийн өнөөдрийнх шиг ингэж мандаж, залуу ч, сайхан ч, албан тушаалын ч од хийморь онцгой төгс явсан Д.Сарангэрэлийг ингэж явахыг харах нь ээ, цаст уулын цагаан барс цагаа болохоор шоргоолжид бариулахын үлгэр болж байна уу даа гэж харагдахаар.

Д.Сарангэрэл уг нь өнөөдрийн улс төр дэх хүүхнүүдийн орой нь гэвэл орой л доо. Гэхдээ одоо намдаа жаахан шударга байсныхаа төлөө баалуулж байх шиг байна. Улны гэдэг үгийг аль эртээ хэрэглэж, ард түмнээ ялгалж байсаныг ил болгосноороо тун саяхан сайдын ажлаа өгсөн. Одоо намын эмэгтэйчүүдийн байгууллагын тэргүүн албыг нь авна гэнэ. Улмаар цааш УИХ-д нэр дэвшүүлэхгүй байх төлвийг наяад оны дарга нар нь нам хийж мэдэхээр болсон нь онц тодорхой байна. Жар хүрсэн гээд Д.Сарангэрэлийгээ жаатай хүүхнүүдээр сольдог юм байж. Зургаан жилийн Ерөнхийлөгчийн эрх эдлэх У.Хүрэлсүхтэй жанжин шугам нэгтэй энэ хүнийг ийнхүү баалсан нь хоёр асуулт дагуулж байна. Наяад оныхон намаа засгаа нэгмөсөн жаалж базахаар шийдэв үү, цагтаа гэрэлтэж явсан Сарангэрэлээс Хүрэлсүх Ерөнхийлөгч нүүр буруулав уу гэсэн хоёр үндэслэл харагдаж байгаа юм.

Найз нөхрийн итгэлийг нам үздэггүй У.Хүрэлсүх хүнийг хөсөр хаях хүн биш. Улавчтай эхийг урины бус салхинд алхуулав гэж Ерөнхий сайдын албаа өгч байсан хүн. Ингээд бодохоор Сарангэрэлээ гээгээүй байх аа. Харин наяад оны дарга нар , эрх баригчид л наалдаж явсан дарга, эрхэм Ерөнхийлөгчөө гээж байгаа байж мэдэх дүр зураг бэлхэн харагдана. У.Хүрэлсүх дарга Японоос ирмэгцэээ ёгхийсэн үгийг парламентэд хэлж, улс төрийн арчаагүйдэл, увайгүй хүмүүстэй хариуцлага ярьж тун мэдэхийг учир мэдэх хүмүүс яриад л байна. Харж байя даа.

С.Баяр

Амлалт.мн