УИХ-ын дарга Г.Занданшатар болон УИХ-ын гишүүн, Төрийн байгуулалтын байнгын хороо(ТББХ)-ны дарга Ж.Мөнхбат Зөвлөлдөх санал асуулга хэрхэн явуулах талаар мэдээлэл өгсөн юм. Мөн УИХ-ын гишүүд УИХ-аас баталсан хуулиуд болон хийж хэрэгжүүлэхээр төлөвлөж байгаа ажлуудынхаа талаар мэдээлэл хийлээ.

УИХ-ын гишүүн, Төрийн байгуулалтын байнгын хороо(ТББХ)-ны дарга Ж.Мөнхбат: “Өнгөрсөн долоо хоногт Зөвлөлдөх санал асуулга явуулах тухай УИХ-ын тогтоол батлагдсан.

Үүнтэй холбогдуулан ТББХ-ноос ажлын хэсэг гаргаж, ахлагчаар нь МАН-ын бүлгийн дарга Д.Тогтохсүрэнг томилоод байна. Одоогийн байдлаар Зөвлөлдөх зөвлөлийн бүрэлдэхүүнд нэр дэвшигчийг бүртгэж эхэлсэн. Нээлттэйгээр нэр дэвшүүлж, 5-11 хүнийг сонгон шалгаруулна.

Энэ хүрээнд дараах ажлыг зохион байгуулна. Үүнд:

1. “Нийгэм, эдийн засаг, улс орны тулгамдсан асуудал, гарц шийдэл” эрдэм шинжилгээний хурлыг 2023 оны нэгдүгээр сарын 4-ний өдөр УИХ-ын Тамгын газар, Шинжлэх ухааны академи хамтран зохион байгуулна.

2. “Улс төр, эдийн засаг, эрх зүйн шийдэл, нийгмийн зөвшилцөл” чуулга уулзалтыг ТББХ-ноос 2023 оны нэгдүгээр сарын 11-ний өдөр зохион байгуулахаар боллоо. Энэхүү уулзалтад эрдэмтэн судлаачид, улс төрийн намууд, жагсагч нар оролцох боломжтой.

3. Зөвлөлдөх санал асуулгыг 2023 оны хоёрдугаар сарын 20-ны өдөр зохион байгуулахаар төлөвлөөд байна. Уг санал асуулгад оролцох иргэдийг хуулийн хүрээнд Үндэсний Статистикийн Хороогноос түүврийн аргаар сонгож оролцуулна" хэмээв.

УИХ-ын дарга Г.Занданшатар: Зөвшөөрлийн тухай хуультай нийцүүлж төрийн авлига, хээл хахууль, хүнд суртлыг багасгах том шинэчлэлийг хийж байгаа. Ингэснээр 1600 гаруй тусгай зөвшөөрлийг цэгцэлж, 320 тусгай зөвшөөрөл болгосон. Ингэснээр иргэдэд очих хүнд суртал, авлигыг бууруулж байгаа. Уул уурхайн бүтээгдэхүүний хулгайг таслан зогсоох үүднээс Уул уурхайн биржийн тухай хуулийг УИХ баталсан. Энэ хуультай холбогдуулаад тогтоол гаргаж, 2012 оноос хойш төрсөн хүүхдүүдэд Тавантолгойн 1072 хувьцааг эзэмшүүлэх, олон нийтийн хяналтад оруулах тогтоолыг батлахаар бэлтгэл ажлыг хангаж байна.

Төрийн байгуулалтын байнгын хорооны дарга Ж.Мөнхбат: Зөвлөлдөх санал асуулга явуулах тухай УИХ-ын тогтоолын төслийг өнгөрсөн 7 хоногт баталсан. Монгол Улсын нийгэм, эдийн засагт тулгараад байгаа асуудлыг иргэдийн туслалцаатайгаар тодорхойлох зорилгоор улсын хэмжээнд зөвлөлдөх санал асуулга явуулах юм. Төрийн байгуулалтын байнгын хорооноос ажлын хэсэг гаргаад зөвлөлдөх санал асуулгад дэмжлэг үзүүлнэ. Энэ ажлын хүрээнд арванхоёрдугаар сарын 30-ныг хүртэл Зөвлөлдөх зөвлөл байгуулахаар сонгон шалгаруулалт зарласан. 5-11 гишүүний бүрэлдэхүүнтэй зөвлөлдөх зөвлөл байгуулна. Мөн энэ хүрээнд “Нийгэм улс төр, эдийн засагт тулгамдсан асуудал, гарц, шийдэл” гэсэн эрдэм шинжилгээний хурлыг нэгдүгээр сарын 4-нд зохион байгуулна. Түүнчлэн нэгдүгээр сарын 11-нд Улс төр эдийн засаг, эрх зүйн шийдэл, нийгмийн зөвшилцөл чуулга уулзалтыг зохион байгуулна. Үүнд улс төрийн намууд, иргэний нийгмийн байгууллага, иргэдийн төлөөлөл, эрдэмтэн судлаачид оролцоно. 2023 оны хоёрдугаар сарын 20-нд зөвлөлдөх санал асуулга явуулна. Зөвлөлдөх санал асуулгад оролцох иргэдийн Статистикийн ерөнхий газар сонгогчдын нэрсийн жагсаалтаас түүврийн байдлаар сонгоно. Улс орны нийгэм, эдийн засгийн асуудал яагаад хүнд нөхцөлд оров гэдгээ бүгдээрээ шүүн тунгааж, ярилцъя гэж байгаа юм.

Ташрамд дурдахад, Зөвлөлдөх санал асуулгыг анх 2017 онд Үндсэн хуулийн асуудлаар явуулж байжээ.