Мянга гурван зуун хүн гомдож байгаа. Арван сая төгрөгийн цалин авч байгаадаа баярлаад байдаг. Хоёр мянга гаруйхан л доллар шүү дээ. Дэлхийн хүмүүсийн цалингийн доод хэмжээ. Хөгжсөн, хөгжиж яваа орнуудын. Гэтэл тэрхүү мянга гурван зуун хүн нь манай улсын цалин орлоготой хүмүүсийн нь дөнгөж нооль зууны нэг хувь.
Цаана нь ерэн есөн хувь нь тийм цалинг зүүдлээд ч барахгүй л зүтгэж байгаа юм. Тэгсэн, яасан, манай Сангийн яам, Болдын Жавхлан тэдэнд татвар тавьчихлаа. Нийт цалингийн нь хориод хувийг татчихаж байгаа юм. Энэ юуг харуулж байна гэхээр хүн шиг амьдрах хүсэлтэнүүдээ тонож байгаа үйлдэл. Хумсын толиог хоёр зуу хуваасны нэгтэй тэнцэх өчүүхэн жаахан аятайхан амьдрах гэж байгаа иргэдээ хумсалж байгаа явдал. Болдын Жавхлан ингэж байгаа юм.
Гэтэл, Монгол улсын Сангийн хөрөнгөнөөс далд эдийн засаг буюу, булхий луйврын нь эдийн засаг хэд дахин томорчээ. Дөчин их наядаар яригдаж байна. Дөчин их наядын хулгайг Гаалийнхаа байгууллагаар хянаагүй атлаа мянга гурван зуухан, хөөрхий, иргэнийхээ халаас руу цүүцдэн орж сорно гэдэг, ээдээ, одоо, юу хэлэх вэ дээ.
Ерөнхий сайд сая хэлсэн. Банк бусыг, тэр тусмаа Монгол банкны эрхтэн дархтануудын банк бусыг цэгцэлнэ ээ гэсэн. Зөв шүү дээ. Нөхөр Жавхлан насаараа Монгол банкинд ажилласан хүн. Монгол банк ямар бодлогын өчүүхэн ч гялаангүй байгаа нь инфляци, үнийн хөөрөгдөл, үгүйрсэн ард түмэн. Өөр ч юу ч биш. Гэтэл Жавхлангийн насаараа ажилласан Монгол банкныхны нь банк бусууд нөгөө зүдэрсэн түмэн дээрээ хүүлээл тооцож, шулсаар.
Жавхлангийн Сангийн яам Монгол улсын эдийн засгийг чадавхижуулах. Эрүүл саруул байлгах. Гэтэл түүний ажиллаж ирсэн, ажиллаж байгаа Монгол банк, Сангийн яамны байж байгаа царай энэ. Өнөөдөр Монгол улс нэг ч төсөл явуулж чадахгүй байна. Олон Улс итгэхгүй байна. Манай Улсын төсөлд гаргах баталгааг харганын ноос түүж эсгий хийхийн үлгэрээр үзэж, үгүйсгэсээр удаж байна. Жавхлан сэнтийдээ даамжирсаар.
Жавхлан өчигдөр дефолт зарлахаас аврагдлаа гэнэ. Үхэхээ түр азналаа гэсэн үг. Ингэж Сангийн сайдыг хийдэггүй байх. Дээр нь, байсхийгээд гүнзгий асуудалд орооцолдоно. Амьтай голтой нь дөнгөн данган эдийн засаг, Банкуудыг тоносон мэдээлэл байнга дуулдана. Цэрэнпилийн Даваасүрэн хэлсээр байгаад сайд боллоо.
Логик нь Даваасүрэн үнэн ярьжээ гэсэн үг. Түүний хэлснээр Чингис хаан банк. Дөчин тэрбум. Транс банк. Жавхлангийнх гэх. Авга нагацуудаараа нийлж эзэмшдэг гэх.
Хүрлээгийн Анхбаяр гээд хүн нэг хэсэг хоригдсон. Тэр хүнээс олон байдлаар “дээрэмдэгдсэн” нэг балгас Зуун хорьд балгас байсан. Тэр одоо шилтгээн болж. Тэнд Транс банк байрлах. Жавхлан эдгээрийг тайлбарлах хэрэгтэй. Дал хүрч байгаа Н.Алтанхуягийг “Чи Алтанхуяг нь мөн биз дээ” гээд Их хурал дээр таахалзаж байна лээ.
Дал, ер хүрсэн хүний тамираас ч дор байгаа эдийн засагтай Сангийн сайд жинхэнэдээ ямар бяртайг хармаар л байна даа, энэ ард түмэн. Сайхан амьдрах гээд.
З.БАЯРАА
Амлалт.мн
