Яруу найрагч Цоодолын Хуланг хориод хоёр сар болж байх шиг байна. Яллах дүгнэлт үйлдээд шүүх рүү шилжүүлж. Наймаас арван таван жил гэнэ үү. Хэцүүеэ. Дал дөхсөн яруу найрагч хэцүү нэртээс гарч ирэх нь. Анх баригдахад таван жилийн мөшгөл, мөрдлөгийг үндэслэн баривчилсан гэнээ гэж сэтгүүлч Н.Өнөрцэцэг мэдээлэх шиг болсон. Буруу сэдлэгтэй үйл ажиллагаа явуулж байсан юм бол, анх мэдээд л болиулж яагаад болдоггүй юм бол гэдэг асуулт гарах.
Тэр тусмаа төрийн эсрэг гэмт хэрэгт сэжиглэгдсэн бол. Аль болох түргэн зогсоосон бол төрдөө, тэр хүндээ, наанадаж мөрдөж байгаа албаны ажилтнуудад ч амар биз дээ гэж хэн ч бодохоор.
Тавын таван жил тийм “ноцтой” ажил хийхийг нь хууль хяналтынхан “хараад, зөвшөөгөөд” яваад байсан болж байна уу. Аль болох л түргэн энэ асуудлыг зөв тийш болгож, тухайн хүнийг ч зогсоосон бол бүх талаараа хохиролгүй мэт. Юутай ч Хулангийн асуудлыг маш түргэн шийдэж байх шиг байна.
Д.Мөнх-Эрдэнэ гэдэг хүнийг мөн ч элдэвлэн боргоож, шоронд оруулах, гаргах, эргүүлж хийх нь наадгай болов бололтой. Х.Булгантуяа гэдэг сайд шүгэл үлээгээд, нийгэм хүлээж авахгүй байх шиг байна.
Гэтэл өнөөдрийн “Өдрийн сонин”-д “Шүгэл ажиллагаа” шүгэл үлээгчдийн алтан хараацайг хорьсноор эхэлж байх юм” гэж нийтлэл гарчээ. Худлаа гэх ямар ч арга алга. Д.Мөнх-Эрдэнийн эхнэр аргаа бараад хэвлэл мэдээллээр л их ярьж байх шиг байна. Энэ мэтээр иргэнд учирсан хэргийн асуудлууд гаажтай л яваад байх шиг.
Гэтэл нүүрсний хэргээр өнөө хэр шүүх дээр дэнслэл хийгдээгүй шиг байна. Тээвэр ложистикийн хэрэг байна. С.Батдөл гэдэг хүний гэрээс вагон мөнгө хураасан. Тэр хүний асуудал л одоо зарим хүмүүст үйлчлээд байгаа хуулийн хэрэгжилтээр аль эрт л хэрэгжмээр.
Гэтэл таг л байх шиг. С.Батдөлийн хэрэг гэснээс, сэтгүүлч Б.Отгон хоригдож байгаа С.Батдөл Сангийн сайд Б.Жавхлангийн тухай яриад эхэлсэн тухай нүүр хуудастаа мэдээлжээ. Тэгээд, С.Батдөлийг уг албан тушаалд томилогдоход Б.Жавхлан “түлхсэн”, мөн түүнчлэн нутаг нэг Дарханы хүмүүс болох тухай дурджээ.
Барилга, хот байгуулалтын сайд Ц.Даваасүрэн Б.Жавхланг олон эрх ашгийн зөрчилтэй, тэр тусмаа Хөгжлийн, Чингис хаан банкны олон асуудал, гүйлгээ, наана цаанатай холбоотой гээд байсан, худалгүй нь улам л тодроод байх шиг.
Хөгжлийн банкыг маш их мундраасан хүн Б.Жавхлан гэдэг. Баримт нь Мөнхбаяр гэж найз нь бий, яллагдагч гэж олон хүн ярих. Ц.Даваасүрэн тодорхой мэдэж байгаа л даа. Арван хувийн үндэстэй юм тэр ярихгүй, дор хаяж ная ерөн хувийн үндэстэй юм ярина.
Болдын Жавхлан одоо ярих хэрэгтэй ээ. Хэвлэлийн хурал зарлаад ярь, Б.Жавхлаан. Эхлээд хүүхдийн мөнгө жигд олгох ажил хэрхэн явж байгааг. Дараа нь С.Батдөл гэдэг хүнтэй яг ямар холбоотой, албан тушаалд тавихад нь нөлөөлсөн юм уу, бас тэр их мөнгө намын санхүүжилт байсан эсэх гээд олон зүйл дээр зарчмын байр сууриа илэрхийлэх хэрэгтэй, Ардын намаас албан тушаалын сорыг авсаны хувьд.
Сангийн сайдыг тойрсон хэл ам, жиг жуг Цагаан сараар зүүсэн Сангийн яамны логотой гоё ороолт, хамбан дээл шиг нь өөрийг нь баглалаа. Улсын сангийн сайд үнэнээ хэлж, худал үнэн, булхай лоосуутай эсэхээ нэг тийш шийдэхгүй бол нэр хүндийн нь байдал улам л доройтсоор.
Ц.Даваасүрэн ч гэсэн дээ, Хархорин хотоо шалавла. Овоо бүтээлч юм яриад, өөрөө ажлаа ахалж байгаа юм хэлнэ билээ. Тэр архитектэрч Нацагаа чинь үгэнд чинь орох уу. Ажил даалгасан бололтой байсан. Шинээр төлөвлөх Хархорин хотын чинь газруудыг үнэлээд зарчих бий дээ. Нийслэлийн дарга нар барааг нь харах гээд бардаггүй л хүн гэж яригдаад удсан даа. Энэ мэт олон зүйлийг харахаар Монголын хууль шүүх, нийгмийн байдал, сайдуудын “царай” гээд засууштай, эмнэж эдгээмээр буглаатай маш олон асуудал байна.
Ерөнхий сайд Л.Оюун-Эрдэнийг “Шүүхийг харж байна” гэснийг шүүхийн чигийнхэн буруутгаад, зарим нь хэвлэлд ярилцлага өгсөн байна лээ. Шүүхийн үйл ажиллагаанд халдаж байна гээд. Ерөнхий сайд шүүхийг шүүх шиг байгаасай л гэж хараад байгаа байх. Халдаад байгаа юм байхгүй байх.
Эмнэж эдгээдэг яамны сайд Содномын Чинзориг оо, эмнэлэгүүдийнхээ асрагч сувилагч нарынхаа ааш аяг, хүндээ, өвчтөндөө хандах хандлагыг зас аа. Мэдээж, улс нь дорой байгаа болохоор эмч, багш нар үнэхээр дорой цалин авч байгаа.
Дорой цалинтай эмч нар, сувилагч, асрагч нар чинь мэдээж сэтгэл санаа, амьдралын өнгө тааруу байгаа, үүнээс үүдээд үргэлж бухимдалтай, энэ бухимдлаа хөөрхий ядарсан өвчтөнүүд дээрээ асгаад, эмнэлэг биш, эрэмдэглэлийн сэтгэл зүйн орчинтой эмнэлгүүд бүчээстэй болсон байна.
Хоёр, гуравдугаар эмнэлэгийн асрагчид, эмч сувилагч, албан хаагчдаа өвчтөнөө энэр, тангарагтаа үнэнч бай. Содномын Чинзориг оо, эмнэлэгүүдээрээ яв. Бодитой ажилла.
З.БАЯРАА
Амлалт.мн
