Сэтгүүлч өчигдөр олон нийтийн сүлжээнд бухимджээ. Хаянгаагийн Болорчулуун сайдыг шүүмжилж. Гэтэл, эргүүлээд мань сэтгүүлчийг цувдай мувдай, юу юу гэнэв ээ, хэтийдсэн бүдүүлэг үгээр Болорчулууныг өмөөрсөн нэгэн ноцжээ.
Энэхүү ноцож байгаа хүн нь сайдын нэн ойрын хүн бололтой юм. Ингэж бүдүүлэг авирласнаараа сайдыгаа, хамтрагчаа, өөрийгөө л ямархуу хэмжээний ёс суртахуунтай хүмүүс болохоо л тодорхой илэрхийлж байна.
Сэтгүүлч сайдыг бичиг үсгээ ээдрээ гацаагүй уншчихаж болдоггүй юм байх даа гэж шүүмжилсэн харагдсан. Нээрээ, ажихад, Болорчулуун сайд ярьж хэлэхдээ тун маруухан шүү дээ. Өгүүлбэрээ зөв бүтэцтэй хэлэхгүй, утга сарнимал, нэг тийм үндэслэл ярилаа гэхэд оочин цоочин, тасаг бусаг юм яриад байдгийг олон нийт хэлэх. Ээдрээд л байдаг.
Гурав сонгогдлоо, хэлтэй үгтэй попын эгнээнд байна, хэлж ярих гаршсан баймаар. Сэтгүүлчийн шүүмжлэл буруугүй байх аа. Мөн сэтгүүлч бас хэлсэн байна лээ. Эрх ашгийн зөрчилтэй нөхөр байж, троллтой болжээ гэж. Тролл нь сайдыгааа зөв өмөөрөхгүй бол улам унагаад байх шиг байна. За энэ тэдний хэрэг. Харин сайд эрх ашгийн зөрчилтэй юү гэвэл зөрчилтэй нь үнээн. Гурил будаа, үхэр мал гээд бизнестэй хүн шиг байдаг.
Хүнс, хөдөө аж ахуйн сайд энэ салбарыг эрхлэхээр эрх ашгийн зөрчил харагдах уу харагдана биз дээ. Өмнө ч мань эр ЖДҮ-гийн зээл гурилын үйлдвэртээ авсан уу гэвэл авсаан гээд мэдээлэл сангууд хаа сайгүй байх. Үхэр ээмэгжүүлэх ажил хийж байгаа, энэ сайд.
Зардал улсаас нэг ч төгрөг гарахгүй гэж хэлж байсан. Бараг өөрөө санхүүлж байгаа юм шиг хэлж зогссон. Улсаас гарах нь тодорхой. Үгүйдээ л зээлээр хийлээ гэхэд улсад өртлөөс нь үлдэнэ биз дээ.
Одоо улс санхүүжүүлж байгаа юм дуулдав уу, яав. Ямар сайндаа л үхэр ээмэгжүүлж байхаар, үйлдвэр бариад өгөөч ээ гэж иргэд шүүмжлэл хэлэхэв дээ. Болорчулуун сайд бохир биш ажиллах хэрэгтэй ээ. Намынхан нь анх дэвшүүлээгүй болохоор нь тэгсэн шиг байдаг, бие дааж анх гишүүн болсон.
Бие дааж гишүүн болж болно, бие даасан эрх ашгийг нийгмийн өмнө цолгоруулж үл болно, Болорчулуун аа. Бие даасан эрх ашиг өөрөөс тань их үнэртдэг. Ямартаа л Ардчилсан нам засаглаж байхдаа, анд хоёр нөхөртөө тань хамтатгаад Иргэний нисэхийг та гурвын харьяа, эрхлэл мэдлийн хүрээнд “өгч” байх вэ дээ, хэл амыг тань дарах гээд.
Иймэрхүү авториуд өөрийг тань дагалдаад яваад байгаа болохоор болор ажилла, болор бай гэж нийгэм хэлээд байгаа юм шүү дээ. Та шүүмжлэлд гарамгай хүн. Шүүмжлэлийг авахдаа мөн гаргуун байх ёстой.
Та одоо нүүрсний дөчин их наяд хулгай хийгсэдтэй хариуцлага тооцох талаар илүү тод дуугар. Сайдын ажлаараа халхавчлаад, амьсгаагаа бүү дар. Та Хөгжлийн банкны хулгайч нарыг илүү сайн шүүлц. Танхимд хамт сууж байгаа нөхөд чинь Хөгжлийн банкаар үйлдвэр барьж өөртөөн сүндэрлүүлж, бүхий зээлийг танай танхимын нөхөд ямар нэг байдлаар сүйрүүлсэн.
Даваасүрэн анд чинь тодорхой ярьдаг. Энийг илүү сайн ярь. Ингэж жинхэнэ Болорчулуун сайд шиг болор ажилла. Оюутолгойгоо ярь. Олон жил идэж уусан хүмүүсийн хүүхдийг битгий өмөөр. Сайт шүүж суудаг юм уу, хаашаа юм, энд тэнд өөрөө ороод л золбин мессеж бичээд байх. Индэр дээрээсээ тэр үгээ хэл. Сайдын ажил сайдын индрээс байдаг болохоос санаа төрсөн үед бичдэг комент биш. Дүү нараа зүгээр тэр гурилын үйлдвэртээ ажиллуул.
Нэг дүү чинь Эрдэнэс Таван толгойд их удаан Удирдах зөвлөлд ажиллалаа. Тэр хүний үйл хэрэг ариун байна уу, эс байна уу гээд шалгавал цэв цэвэр гарах нь юу л бол. Одоо тэр дүүгээ зүгээр хувийн үйлдвэрт нь ажиллуул.
Намын тань дарга нар хууль санаачилчихсаан. Нэг нь дээд эрх мэдэлтэй байна аа гээд. Гэр бүлээс, ойр дотноос.
Тиймээс намаан дагаад, дарга нараан дагаад дүү нар хийгээд өөрийнхөө элдэв эрх ашгийн шиншлээнээ эртхэн татсан нь өөрт тань өлзийтэй, Болорчулуун сайд аа.
Нэр шигээ болор бай. Бохирчулуун гээд хүмүүс цахимд жиргээд байдаг юм билээ шүү.
Б.БАЯР
Amlalt.mn
