Хүнс, хөдөө аж ахуй, хөнгөн үйлдвэрийн дэд сайд М.Ганхүлэг Хүнс, хөдөө аж ахуй, хөнгөн үйлдвэрийн Судалгаа хөгжлийн төв, Хөдөө аж ахуйг дэмжих сан, Хөдөө аж ахуйн “Халхгол” үндэсний бүтээн байгуулалтын бүсийн захиргаанд ажиллаж, ажилтан албан хаагчидтай уулзаж, санал хүсэлтийг нь сонслоо.
Дэд сайд М.Ганхүлэг яамны харьяа эдгээр байгууллагуудын хэрэгжүүлж буй үйл ажиллагаа, тулгамдсан асуудал, шийдвэрлэх боломжийн талаар санал солилцсон бөгөөд цаашид хэрэгжүүлэх бодлого, төлөвлөгөөгөө танилцууллаа.
-Мах, махан бүтээгдэхүүн экспортлох “Мал эмнэлгийн хорио цээрийн дэглэм бүхий эрүүл бүс” байгуулах яамны гол бодлого, зорилтод түлхүү төвлөрөн ажиллах
-Хөдөө аж ахуйн салбарт ажиллах залуусын оролцоог нэмэгдүүлэх, хүний нөөцийг бүрдүүлэх талаар төсөл хөтөлбөр хэрэгжүүлэх
-Хүнс, хөдөө аж ахуй, хөнгөн, жижиг, дунд үйлдвэрийн салбарын инновац, шинэ санаа, бүтээлийг дэмжих
-Хөдөө аж ахуйн цахим шилжилтэд анхаарч ажиллахаа илэрхийлэв.
