Хууль зүйн сайд Б.Энхбаяр, ЗГХЭГ-ын дарга бөгөөд МАН-ын генсек Д.Амарбаясгалантай олиггүй харилцаатай байгаагаа нэн тод хэллээ.
МТАС түншлэл гэдэг асуудал энд яригдаж байгаа юм. Бортээгийн уурхайд түшиглэсэн нүүрс худалдан авалтын маш өөр түвшний яриа хэлцэл явагдсан байхыг тойрсон асуудал л даа.
Д.Амарбаясгалан нь энэ надтай холбоогүй гээд Эрдэнэс Монголд цуцлахыг үүрэгдсэн. Үүнийгээ засаг, УИХ-аас урьтаж хийснээрээ, хууль зүйн үндэслэлгүйгээр хийгдсэн гэдгээр мөн Б.Энхбаяр баалж байгаа юм.
Б.Энхбаярыг хэвлэлд Ерөнхий сайдын “хуулийн илд” гэж. Сайд ч өөрөө баталж. Ингээд харахаар Ерөнхий сайдын хуулийн илд ихээхэн ажиллах төлөвтэй.
Б.Энхбаяр шуугиан тарьсан ярилцлагадаа, нэр бүхий сэтгүүлчид нүүрсчдээс дөчин машин авсан асуудал хэллээ. Нийт сэтгүүлчид тэдгээр дөчин машинчдыг зарлана уу гэж шаардаж байна. Шаардах нь ч зүйн хэрэг...
Б.Энхбаяр одоо зарлах л хэрэгтэй дээ. Ингэхгүй бол Монголын бүх сэтгүүлчид нүүрсний хулгайчдын дөчин машинтан болсноор сэжиглэгдэж байна. Тэгэхээр хэн нь нүүрсчидтэй зам нийлсэн, хэн нь нийлээгүйг Б.Энхбаяр маань зарлаад, нийгэмд зөв бурууг ялгах бололцоог олгох нэн чухал байна.
Сэтгүүлчид гэдэг чинь ямартай ч энэ нийгэмдээ мэдээллийн түүчээ, хулгай худлыг бурангуйг гэрэлтүүлэх зул болж яваа улс. Хав хар нүүрсний хулгайчидтай нэг зам дээр гараагүй нь үлэмж олон байгаа.
Тиймээс Б.Энхбаяр аа, дөчин машин авсан сэтгүүлчдийн нэрсийг нэн даруй зарла аа!
Нүүрсний хулгайчидтай хамтраагүй сэтгүүлчид нь ажлаа тайван хийж, өөрийн тань шударга ёсны илдийн ирэнд оч нэмэг.
Б.БАЯР
Amlalt.mn
