Өмнөговь аймгийн ИТХ-ын дарга Н.Энхбат аймгийн БШУГ-ын удирдлага болон Оюуны спортын тэмцээнийг зохион байгуулах ажлын хэсэг, энэ чиглэлээр Даланзадгад хотод үйл ажиллагаа явуулж буй сургалтын төвүүдийн төлөөллийг хүлээн авч уулзлаа.
Уулзалтаар ИТХ-ын 2024 оны 4 сарын 30-ны өдрийн хуралдаанаар батлагдсан “Математик боловсролын хөгжил” хөтөлбөрт тусгагдсан хүүхэд багачуудын бүтээлч сэтгэлгээг хөгжүүлэх, шинжлэх ухааны мэдлэгийг багаас нь олгож, үүднээс цэцэрлэг болон дунд сургуулиудад Шимт хөтөлбөр, баруун тархи хөгжүүлэх Саробан сампингийн сургалтын хөтөлбөрийг хэрхэн хэрэгжүүлэх талаар санал солилцлоо.
ИТХ-аар батлагдсан “Математик боловсролын хөгжил” хөтөлбөрийн хүрээнд оюуны спортыг бодлогоор дэмжиж, сургалтын төвүүдийг нэмэгдүүлэх, багш нарыг мэргэшүүлэх, оюуны спортын наадмыг өргөн хүрээнд жил бүр уламжлал болгон зохион байгуулахад анхаарч ажиллахаа илэрхийллээ.
