УИХ-ын гишүүн, УИХ-ын Төрийн байгуулалтын байнгын хорооны Ж.Бат-Эрдэнэ өөрийн хамаарал бүхий этгээдүүдийн компани болох Эм Эм Зэт Жэй ХХК-иараа дамжуулан Богд уулын Арцадын аманд аялал жуулчлалын зориулалтаар 10 га газрыг эзэмжиж, олон жил “хадгалж” байгаад орон сууцны хороолол барьсан, бусдад шилжүүлсэн тухай мэдээлэл нийтлэлийг бид өмнө нь хүргэсэн. ЭНД ДАРЖ УНШИНА УУ...

Хамгийн сонирхолтой нь Богд ууланд баригдсан тус хороололыг Ж.Бат-Эрдэнийн төрсөн ах Жадамбын Батсайханы хувьцааг нь эзэмшиж байсан, төрсөн дүүгийн нь эхнэр Б.Баярмагнайгийн Гүйцэтгэх захирлаар нь ажиллаж байсан “Эм Эм Зэт Жэй” ХХК-иараа дамжуулан “Амрагчдын орон сууц” гэх нэрээр Нийслэлийн Ерөнхий төлөвлөгөөний газраас барилга барих зөвшөөрлөө авсан байгаа юм.

Дашрамд хэлэхэд “Амрагчдын орон сууц” гэж юуг хэлэх вэ, магадгүй дэлхийн хэмжээний арга хэмжээ, олимп зэрэг үйл ажиллагаа манай улсад, нийслэл хотод болох байсан бол тэнд оролцогчдод зориулж 16 давхар амрагчдын орон сууц барина гэдэгт та бид ИТГЭЖ болох юм.

Гэтэл аялал жуулчлалын чиглэлээр авсан газраа зориулалтын дагуу ашиглаж байгаа мэт ойлголтыг бусдад төрүүлэхийн тулд “АМРАГЧДЫН ОРОН СУУЦ” нэрээр “ГӨЛӨГ ТӨӨРҮҮЛЭХ” байдлаар нэр томъёо ашиглаж, нийтийн орон сууц барьж худалдахыг авлига, албан тушаалын гэмт хэрэг биш гэвэл юуг авлига албан тушаалын гэмт хэрэг гэх вэ?

Ерөнхий сайд Л.Оюун-Эрдэнэ нэгэнтээ “Авлигатай тэмцэнэ гэдэг бол бид өөрөө өөрсөдтэйгөө мөн намынхаа журмын нөхөдтэйгөө тэмцэнэ гэсэн үг” гэж хэлж байсан нь үнэхээр үнэн.

Дээр нь Л.Оюун-Эрдэнийн Засгийн газар “Хууль бусаар хөрөнгөжсөн, орлогын эх үүсвэрээ нотлож чадахгүй байгаа төрийн өндөр албан тушаалтан, алба хаагчдын хууль бус хөрөнгийг /авлигын мөнгийг/ төр хурааж авах тухай хуулийн төслийг боловсруулж, УИХ-ын гишүүн, Хууль зүй дотоод хэргийн сайд О.Алтангэрэлээр ахлуулан УИХ-ын чуулганаар хэлэлцүүлэхээр болсон.

Мөн Хотын дарга Х.Нямбаатар "Богдхан уулын аманд авлига, албан тушаалын үр дүнгээр суурьшлын бүсүүд бий болсон" гэдгийг онцолж хэлсэн.

Тэгвэл энгийн иргэдэд хотын аль ч бүсэд 0,07 га газар олдохгүй байхад эрх мэдэл, албан тушаалаа урвуулан ашиглаж, Тусгай хамгаалалттай Богдхон Ууулан аманд бүхэл бүтэн 10 га газар авч орон сууц барьсан, бусдад “худалдсан” УИХ-ын гишүүн, УИХ-ын Төрийн байгуулалтын байнгын хорооны Ж.Бат-Эрдэнэд ямар ХАРИУЦЛАГА хүлээлгэх вэ гэдэг асуулт хариулт нэхэж байна.

Ярих бүрдээ “нэр цэвэр, үйл хэрэг цэвэр” гэж хэлэх дуртай, “шударга ёсны туйл” шахуу гэх Ж.Бат-Эрдэнийн талаар багахан мэдээлэл цуглуулахад ийм том хэмжээний АВЛИГА, ГЭМТ ХЭРГИЙН шинжтэй үйлдэл илэрч байгаа юм чинь түүнийг цааг илүү сайн “судлавал” уул уурхай, тариалан эрхлэх сан гээд олон асуудал өрнөх нь тодорхой байна.

Хууль зүйн сайд О.Алтангэрэл та “төрийн өндөр албан тушаалтны хууль бус хөрөнгийг хураах хуулийг УИХ-аар батлуулвал тэр даруйдаа УИХ-ын Төрийн байгуулалтын байнгын хорооны дарга Ж.Бат-Эрдэнийг шалгах нь зүйтэй юм.

АТГ, ЭЦГ зэрэг байгууллагууд дүүрэг, багийн төрийн алба хаагчдыг шалгаж шавдуулахаас илүүтэй УИХ-ын гишүүн Ж.Бат-Эрдэнэ шиг хамаарал бүхий компаниараа дамжуулан Богд ууланд 10 га газар авч зориулалтын бусаар ашигласан, “арилжсан, мөнгөжсөн” ТОМЧУУДЫГ шалгах нь зүйтэй. Эс бөгөөс АТГ, ЭЦГ-д итгэх иргэдийн итгэл алдрах болно.

Ц.Мөнх

Амлалт.мн