ДЦС 4-ийн захирал Ү.Төмөрхуяг нь төрийн албан тушаалтны ёс зүйн хэм хэмжээг зөрчсөн олон асуудалд холбогдсон бөгөөд түүнийг төрийн албыг нэр нүүргүй болгож байгаа хүмүүсийн нэг хэмээн тус станцийн ажилтнууд болон иргэд олон нийт шүүмжилж байна.
Ү.Төмөрхуягийн гаргасан зөрчлийн тухай товч мэдээллийг хүргэе.
1. Үйлдвэрийн ослыг нуун дарагдуулах оролдлого
2021 оны 3 дугаар сарын 01-ний өглөө ДЦС-4-т үйлдвэрийн осол гарч, ээлжийн монтёр Т.Д өндөр хүчдэлд нэрвэгдэн амь насаа алдсан. Ү.Төмөрхуяг захирлын зүгээс ослыг гадагш задруулахгүй, нуун дарагдуулах чиглэл өгсөн гэх мэдээлэл байсан. Мөн энэ асуудлыг тодруулах гэсэн хэвлэл мэдээллийн байгууллагад ДЦС 4-ийн захирал Ү.Төмөрхуяг нь энэ талаар мэдээлэл өгөхөөс татгалзаж, утсаа салгаж байсан нь хүний амь наснаас илүү өөрийн албан тушаалыг илүүд үзсэн үйлдэл гэж албан хаагчид нь шүүмжилсэн. Тухайн үеийн Эрчим хүчний сайд Н.Тавинбэх үйлдвэрийн осол гарсан нь үнэн бөгөөд цагдаагийн газар шалгаж байгаа гэдгийг батлан хэлсэн.
Түүнчлэн Цар тахлын үед нийтээр тэмдэглэх баяр ёслолын арга хэмжээг хоригдосон Засгийн газрын тогтоолтой цаг үед ТЭЦ-4-ийн захирал Ү.Төмөрхуяг Засгийн газрын тогтоолыг зөрчин Кувейтын аманд Эрчим хүчний 100 жилийн ойг тэмдэглэн өнгөрүүлэх шийдвэр гаргасны улмаас ажилчид архидан согтуурч, нэгэн сайхан залуу амь насаа алдсан байдаг.
2. Хөрөнгөө АТГ-т мэдээлэлгүй нуун дарагдуулсан Иргэдийг хохироосон асуудал
Тэрээр 2011 онд Дорнодын дулааны станцын даргаар ажиллаж байхдаа 1.2 тэрбум төгрөгийг АТГ-т гарган өгдөг Хөрөнгө Орлогын Мэдүүлэгтээ (ХОМ) тусгаагүй, татвараас нуусан байж болзошгүй, бусдад хүүтэй зээлдэг байсан тухай маш ноцтой асуудлыг өнгөрөгч 8 сард иргэдийн төлөөлөл Хэвлэлийн хурал хийхдэ эхэлж байсан. Хэрэв энэ асуудлыг шалгаж үзэн тогтоовол тэр төрийн байгууллагад дарга, захирал хийх биш эрүүгийн хариуцлага хүлээх үндэслэлтэй. Тэрбээр энэхүү хөрөнгөө эхнэр Л.Оюунгэрэлийнхээ нэрээр Дорнод аймагт орон сууцны газарт хөрөнгө оруулсан бөгөөд тэрээр 11 жил царцсан, үхмэл хөрөнгөө амь оруулж, 1 тэрбум гаруй төгрөгөө гаргуулах гэрээг "Бүрэнсүх Констракшн" ХХК-тай 2022-2025 оны хооронд хийсэн байдаг. Гэвч гэрээний хугацаа дуусахаас өмнө үхмэл хөрөнгийг нь аварсан барилгын компанийн удирдлагуудаас илүү их мөнгө нэхэж шүүхэд өгсөн байдаг. Энэ маргааны улмаас Дорнод аймгийн "Элит тауэр" хотхоны 300 гаруй оршин суугч орон сууцныхаа ордерийг авч чадахгүй хүнд байдалд орсон. Мөн оршин суугчдын хүүхдүүд харьяалал бүртгэгдээгүйн улмаас сургуульд суралцаж чадахгүй байгаа хүнд нөхцөл үүссэн.
3. Ажлын байрны дарамт, дабл стандарт
ДЦС-4-ийн ажилчид захирал Ү.Төмөрхуягийн үйл ажиллагааг эсэргүүцэж, "ТЭВЧЭЭР ТАСАРЛАА" хэмээн мэдэгдэл гаргаж, тухайн үеийн Эрчим хүчний сайд Н.Тавинбэх, Эрчим хүйний үйлдвэрчиний эвлэлдээ түүнд хариуцлага тооцож өгөхийг хүссэн ч Ү.Төмөрхжяг ажилчдынхаа энэ шаардлага мэдэгдлийг хав дарсан гэгддэг. Энэ шаардлагад захирал Ү.Төмөрхуяг нь тус байгууллагад "давхар стандарт" үүсгэж, өөрөө өрөөндөө архи ууж болдог ч ажилчид архины үнэр гаргасан тохиолдолд ажлаас хөөдөг, Дарга нар ажилдаа цагтаа ирэхгүй, дуртай цагтаа орж гардаг ч бүтэн цалингаа авдаг, Ажилчдыг илүү цагаар ажиллуулдаг ч илүү цагийн хөлсийг өгдөггүй, ажилчдынхаа хортой нөхцөлд ажилласаны хор саармагжуулах бүтээгдэхүүний төсвийг хасаж, хамгийн хямд үнэтэй сүү өгдөг болсон, Ү.Төмөрхуяг захирлын албанд унадаг Land Cruiser 200 маркийн машиныг станцын 10 орчим сая төгрөгөөр жолоочийн гэрийн доорх дулаан гараашид тавьдаг гэх зэрэг асуудлыг хөндсөн байдаг.
4. Төрийн хэмнэлтийн хуулийг зөрчсөн үрэлгэн зардал
2023 онд ТЭЦ 4-ийн захирал Ү.Төмөрхуяг нь Төрийн хэмнэлтийн тухай хуулийг ноцтой зөрчин, Компанийн логотой 2450 ширхэг сувинер, сав, шаазан зэргийг худалдан авахад нийт 157.6 сая төгрөг зарцуулсан. Мөн тэрбээр Аяга таваг худалдаж авахад 32.9 сая төгрөг, 1700 хүчин чадалтай аяга таваг угаагч техник авахад 38.5 сая төгрөг тус тус зарцуулсан. Төрийн хэмжэлтийн хууль хэрэгжсээр атал Ү.Төмөрхуяг захирал 106.7 сая төгрөгөөр 40 жилийн ойн ном хэвлүүлсэн. Түүнчлэн, Цагдаа, дотоодын цэргийн ахмадын хорооны дарга Ч.Амарболдтой “НУУЦ ГЭРЭЭ” байгуулж, 7 цехийн ажилтнуудад сургалт явуулах нэрээр зургаан сая төгрөг тус тус шилжүүлсэн боловч ямар ч хариуцлага хүлээгээгүй.
Амлалт.мн
