Засгийн газрын хэрэг эрхлэх газрын дарга Д.Амарбаясгалан мэдээлэл хийж, Засгийн газрын хуралдаанаас гаргасан шийдвэрийг танилцууллаа.
Тэрээр, Ерөнхий сайдын өгсөн үүрэг чиглэлийн дагуу УИХ, Засгийн газрын гишүүн, дэд сайд нарын хамаарал бүхий хүмүүс буюу эхнэр, нөхөр, төрсөн ах, дүү нар тэднийг төрийн албанд ажиллаж байх хугацаанд төрийн өмчийн болон төрийн захиргааны байгууллагад удирдах албан тушаал хашихгүй байх үүргийг өглөө.
Энэ үүрэг чиглэлийн дагуу ХДЗХЯ-наас хуулийн төсөл өргөн барихаар боловсруулж байна. Энэ хүрээнд:
Нэгдүгээрт, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх хуульд өөрчлөлт оруулна.
Хоёрдугаарт, Төрийн албаны тухай хууль
Гуравдугаарт, Төрийн болон орон нутгийн өмчийн тухай хуульд нэмэлт, өөрчлөлт оруулна.
Мөн УИХ, Засгийн газрын гишүүд, улс төрийн албан тушаалтнуудын ёсзүйн байдлын тухай хуулийн төслийг өргөн мэдүүлсэн. Энэ хуулийг даруй батална. Иргэд олон нийт шударга ёс, тэгш боломжийг шаардаж байна. Тиймээс Засгийн газар үйл ажиллагаандаа шударга ёс, иргэддээ тэгш боломж олгох зарчим баримталж ажиллана.
Мөн УИХ, Засгийн газрын гишүүд, дэд сайд нарын өөрийн эзэмшлийн болон хамаарал бүхий этгээдүүдийн компани нь төрийн тендер худалдан авалтын үйл ажиллагаанд ордоггүй байх зохицуулалтыг хийх үүрэг чиглэл өгсний дагуу ажил явагдаж байгаа” гэдгийг хэлэв.
