Зэсийн ордоороо дэлхийд дөрөвдүгээр жагсдаг Оюутолгойн гүний уурхайн олборлолтын нээлтийг өнөөдөр 13.00 цагт эхлүүллээ.
Оюутолгойн орд газрын батлагдсан нөөцийн 80 хувь буюу үндсэн үүцийг агуулдаг гүний уурхай ашиглалтад орсноор манай улсын эдийн засгийн өсөлтөд эерэг нөлөө үзүүлэх билээ.
Тэгвэл өнөөдрийн гүний уурхайн нээлтийн ёслолд Ерөнхий сайд Л.Оюун-Эрдэнэ болон "Рио Тинто" компанийн удирдлагууд оролцсон юм.
Оюутолгойн бүлэг ордын хамгийн агуулга сайтай хүдэр нь Хюго Даммет ордын гүнд оршдог. Гүний уурхайн олборлолтыг блокчлон олборлох аргаар эхлүүлэх юм.
Гүний уурхайн олборлолтын нээлтэд Л.Оюун-Эрдэнэ дараах үгийг хэлэв. Тэрбээр "Оюутолгой төслийн бүтээн байгуулалтад гар бие оролцсон та бүхэнд гүний уурхайн олборлолт эхэлж буй түүхэн үйл явдлын мэнд хүргэе.
Одоогоос нэг жилийн өмнө Оюутолгойн хэлэлцээрийн хүрээнд Монголын талын 34 хувьд ногдох 2.3 тэрбум ам.долларын өрийг тэглэж, ирээдүйд үүсэх 22 тэрбум ам.долларын өр хаагдсанаар төслийн бүтээн байгууллалттын гацаа ариллаа. Хөрөнгө оруулагч тал 2023 оны нэгдүгээр улиралд гүний уурхагй ашиглалтад оруулна гэх амлалтдаа хүрлээ. Оюутолгойн төслийн гүний уурхай 1265 км-ээс хүдэр олборлоно. Монголчуудын хувьд дэлхийд дөрөвдүгээрт эрэмбэлэгдэх уурхайтай болж, эхний бүтээгдэхүүнээ олборлох болсноо дэлхий дахинд зарлалаа.
Гүний уурхайн зэсийн баяжмал нь ногоон хөгжлийн хандлага, эх дэлхийн амьдралын цаг хугацааг уртасгахад Монгол Улсын оруулж буй бодит хувь нэмэр юм. Уг төсөл нь гадаадын өхрөнгө оруулалт болон Монгол Улсын гуравдагч хөрштэй хамтран хөгжүүлж буй түүхэн төсөл билээ" гэв.
