Батын Хурц хэвлэлд ярицлага өгчээ. Тагнуулын дарга явсан, элдвийн асуудлыг мэдэх эл генералын ярилцлагыг ажваас сонирхолтой зүйлүүд байна.
Юуны өмнө тэрбээр Түнжингийн Бадамжунайг тийм муу хүн биш гэж. Тийм байх. Тэгээд бас, Хишгээгийн Нямбаатарыг дориун ажиллаж байгаа зүйл хэлж. Гаднаас хүмүүсийг авчирах, хууль шүүхийн системд байгаа ялзрал, хоцрогдлыг арилгах талаар Хуулийн сайдыг бас ч гэж ажиллаад байна гэж налж. Налах ч юу байхав, ортой юм ярих шиг.
Ярилцлага дотор “урьдчилан сэргийлж” буй бололтой ерөндөг үг байна. Тэр нь Жунай, Баасанхүү тэр гурвын ярианы тухай. Нийтэд түгсэн нэг бичлэг байдаг шүү дээ. Тэрийг тайлбарлажээ. О.Баасанхүү Энхбаяртайгаа түнжин хагарч явах үедээ Жу- д хандан намын санхүүжилт босгож өгөөч гэж явсан тухай хэлж. Тиймэрхүү л яриа болсон бичлэг гэж. Яагаад энийг ярив гэхээр, энэ асуудлаар Батын Хурцыг дуудаж асууж мэдэх. Асуусан ч байх. Асуух ч байх.
Үүнийг л мань генерал эртхэн ярьчихаж байгаа шиг байна, нийтэд. Тэгээд бас Бадамжунайгаа үнэхээр авьяастай менежер шүү гэж тодотгож. Ийм юм ярьж. Жунай бол Хурцыг тэгэж яриулахаар л сэтгэгдэл үлдээсэн хүн юм байна.
МАН МАХН-ын хооронд олон асуудлыг зохицуулсан “гавьяатан” гэж хэлж, энэ үг МАН-ынханд, эрх баригчдад зориулагдаж байгаа шиг байна. Генерал Ардчилсан намаа тойрсон улс төрөө ярьжээ. Арван долоон оноос хойш нэг хүн самарлаа шүү дээ гэж.
Халтмаагийн Баттулгыг хэлээд байгаа бололтой юм. Самарч самарч сая нэг юм намын гэрчилгээг нь өгөх шиг боллоо гээд намдаа санаа зовоод амсхийсэн бололтой хүний үг хэлж. Бас тэртээд Дамирангийн Энхбатыг авчирсан тухайд нь асуужээ, сэтгүүлч. Хариулсан байна, генерал, хэтийн улс төрийг огтхон ч төсөөлөлгүй, хуулийн дагуу тэр иргэнийг ажлаа гүйцэтгэж авчирсан гэжээ. Хүн хувиараа хулгайлаад ирээгүй гэж хэлж.
Генерал үүнийг яагаад ярив гэдэг бас сонин. Үүнийг бас түүнээс асуух шаардлага үүсэж байж мэдэх тул, урьдчилаад хариулчихаж байгаа байдал харагдаж байна. Генерал бас шүүхийг өмхийрсөн байна гэж хэлж. Зарим нь өөрийгөө хорих газар боосноос өгсүүлээд шүүх өмхийрсөн, шударга бусын эрх ашигтай нөр орооцолдсон түүхтэйг хэлж. Маш олон асуудал шүүх дээр очоод унаад, удаад байдгийг засах хуулийг Нямбаатар хууль боловсруулах замаар засаж байгаа гэж мөн сайшааж.
Иймэрхүү байдлаар эрх баригчид, эрхтэнүүдэд тал зассан ч юм шиг, өөрийнхөө чиглэлээр мэдээлэл өгсөн ч юм шиг бэсрэг ярилцагыг мань Батын Хурц генерал нэр бүхий сайтад өгчээ. Ингэж ярих хэрэг гарсан шиг байна. Генералын ийнхүү ярьсантай холбоотой асуудлууд хөвөрч мэдэхээр дүр зураг тааварлагдах. Генерал мөн хэлжээ. Бүтэхгүй зүйл ярьдаг амладгаа намууд, попууд одоо болих хэрэгтэй гэжээ. Туйлын үнэн. Генерал яг энэ амлалтын асуудлыг яриад хорин дөрвөн оныхоо улс төрийг хийгээсэй. Хэн хэн яаж худлаа ярьж, яаж эрх барив гэдгийг дурайтал хэлэх ёстой.
Amlalt.mn сайт үүнийг хийж байгаа. Тагнуулын дарга байсан хүнд мэдээлэл дутна гэж юу байхав. Энэ бол харин Батын Хурцын давуу тал. Хурц генерал ба амлалт гэдэг сэдвийг нийгмээр нэг тариасай. Энэ бол маш сайн үзэгдэл болно доо. Хурцаас нэг зүйлийг асуугаагүй байна. Хурц асуусан, асуугаагүй ярьчих хэрэгтэй байсан баймаар. Жудаг талаасаа. Батын Хурцыг тэртээд Лондонд хоригдож байхад Цоодолын Хулан Монголд түүнийг суллуулах гэж Английн Элчингийн гадаа жагсаж байсныг түүх, сонины хуудас гэрчилнэ.
Хурц генерал Хулан андынхаа тухай юу гэж бодож яваагаа нэг хэлчихмээр байгаа юм даа. Зовлон мэдэх, гадаад дотоодгүй хоригдож, хохирч явсан хүний хувьд.
З.БАЯР
Амлалт.мн
