Ерөнхий сайд Л.Оюун-Эрдэнэ даваа гариг бүрийн өглөө бизнес эрхлэгчидтэй өглөөний уулзалт хийж байгаа. Өнөөдөр уул уурхайн бус экспортын салбарынхантай ээлжит өглөөний уулзалтаа хийлээ.
Улс оронд хамгийн олон ажлын байр бий болгодог тус салбарынханд эдийн засгийн нөхцөл байдал, бизнесийн орчныг дэмжих Засгийн газрын бодлогыг танилцуулж, ярилцав. Манай улсын 704 аж ахуйн нэгж дэлхийн 55 улсад 234 нэр төрлийн уул уурхайн бус бараа бүтээгдэхүүнийг экспортод гаргасан байна. Монгол Улсын нийт экспортын 93 хувийг уул уурхай, үлдсэн нь бусад төрлийн экспорт эзэлж байна.
