МАН-ын амлалтанд итгэж сонгогчид тэднийг 8 жил буюу 2 дараалсан сонгуулиар дэмжсэн. Тэд "Хулхин дээр цэцэг ургуулна" гэдэг шиг сайхан сайхан амлалтууд өгсөн. Одоо амлалтынхаа 70-80 хувийг биечлүүлсэн гэж тэд ичих ч үгүй хэлж байна.
Иргэд тэднээс амлалтыг нь нэхэж, амыг нь асууж байна. Харин тэдний хуурамч амлалтанд хууртсан хэрнээ өнөөдөр болтол бухимдахгүй явж байгаа иргэддээ МАН талархах ёстой.
#Нэг Дарханы зам 2017 оны нэг сараас эхлэлтэй. Энэ жил найм дахь жилдээ баригдаж байна. Гэтэл хоёр хоногийн өмнө тус зам цөмөрч эхэлсэн. Та бид яагаад бухимддаггүй юм бэ?
#Хоёр Нефтийн үйлдвэртэй болох ажил 2017 оноос эхлэлтэй. Яг үйлдвэрээ барихгүй хэрнээ ажилчдын орон сууц л барьсан компаныхаа мөнгийг ч өгөлгүй найман жил болж байгаа. Хэзээ ашиглалтад орохыг хэн ч мэдэхгүй. Та бид яагаад бухимддаггүй юм бэ?
#Гурав Ковидын хүндрэл, авч хэрэгжүүлсэн арга хэмжээ. Нийт зардал нь 20 их наяд төгрөгөөр хэмжигдэнэ. Ковидын үеийн асуудлуудаар нээлттэй сонсгол явуулъя гэтэл ямар ч яам тайлангаа бүрэн гүйцэд гаргаж өгөөгүй. Тэгээд сонсгол зохион байгуулагдаагүй. Та бид яагаад бухимддаггүй юм бэ?
#Дөрөв Хотын утааг 80 хувь бууруулна гэсэн. Гэтэл утаа багасах нь битгий хэл нөхцөл улам хүндэрсэн. Иргэд гурваараа, таваараа, арваараа угаартаж нас барсан. Бид эмзэглэдэг. Гэхдээ мартчихдаг. Та бид яагаад бухимддаггүй юм бэ?
#Тав Тэд шударга ёс гэж хамгийн чангаар хашгирсан. Гэтэл авлигын индексээр манай улс сүүлийн найман жилд 81-р байраас 121 дүгээр байрлуу 40 байр ухарсан. Та бид яагаад бухимддаггүй юм бэ?
#Зургаа Нийслэлийн нийтийн тээврийн шинэчлэл гэж маш их ярьсан. Гэвч ногоон автобус гэдэг хулгай гарсан. Гэвч энэ хэргээс хэн ч хариуцлага үүрээгүй. Та бид яагаад бухимддаггүй юм бэ?
#Долоо Нийслэл хотод Дүүжин тээвэртэй болно гэж 2020 оны нэгдүгээр сард зарласан. Гэтэл дөрвөн жил таг дуугүй байснаа өнөөдөр гэнэт шав тавилаа гэнэ. Дөрвөн жилийн өмнө ашиглалтад орчихгүй байсан юм уу. Та бид яагаад бухимддаггүй юм бэ?
#Найм 21:100 гэдэг хөтөлбөрийн хүрээнд аймгийн төвүүдэд арьс шир боловсруулах үйлпвэр байгуулна гэж 2016 онд амласан. Одоо болтол ямар ч үйлдвэр ашиглалтад ороогүй. Та бид яагаад бухимддаггүй юм бэ?
#Ес Элэг бүтэн Монгол хөтөлбөрийг хэрэгжүүлж элэгний өвчлөлийг устгана гэж 2016 онд амласан. Гэвч элэгний хавдарын өвчлөл буурсангүй. Хавдар судлалаар дүүрэн цөхөрсөн монголчууд адгаж, хувь заандаа гутарч байна. Та бид яагаад бухимддаггүй юм бэ?
#Арав Төв цэвэрлэх байгууламжийг шинэчилнэ гэж 2019 онд шав тавьсан. Ашиглалтад оролгүй зургаа дахь жилдээ орлоо. Та бид яагаад бухимддаггүй юм бэ?
#Арваннэг 150 мянган ажлын байр бий болгоно гэсэн. Ажлын байр ч бий болсонгүй. Эсрэгээрээ залуус гадагшаа дүрвэсээр, эх орноосоо зугатсаар.
Та бид яагаад бухимддаггүй юм бэ???
amlalt.mn
