Ардын намын жагсаалтаар дэвшигсдийг үзвээс шаглах гэгчийг хийчихсэн юм шиг дүр зураг үзэгдэж байна. Токиогийн докторантур Г.Лувсанжамцаар тэргүүлүүлчихэж.

Хот байгуулалтын үлгэрийг үзүүлэх хүн гэж ойлгогдлоо. Япон бол сонгодог загварын гүрэн. Хөгжлийн бэрхшээлтэй иргэдийн, эмэгтэйчүүдийн төлөөлөл О.Саранчулуун гэдэг эмэгтэйг дөрөвт эрэмбэлж.

Нийгмийн орхигдмол асан давхаргыг бүр дээш аваад ирсэн нь тун сайшаалтай. Шинжлэх ухааны мөн ахмадын төлөөлөл болгоод Д.Рэгдэлийг тавд зоочихож. Болж л байна.

Ч.Анар, Д.Энхтүвшин гээд хөрөнгө оруулалт, бизнесийн төлөөллийн тэргүүлэх сэхээтнүүдийг эхний аравтаа багтаачихсан.

Үйлдвэрчний эвлэлийн дарга товариш С.Эрдэнэбат долоод, эрдэм боловсролын Ж.Галбадрах арван нэгт гээд, ерөөс өнгө солонгорол тун догь болжээ, Ардын намын жагсаалтын.

Л.Оюун-Эрдэнэ хууччуулыг, эл доль бологсдыг жагсаалтанд азнаж, шинэ залуу, нийгмийн төлөөллийг дэвшүүлнэ гэж хэлсэн амандаа хүрч. Мөнхүү улс төрийн поп, зүггүй, орхигдсон, хорцогдсон нөхдүүдийг дэвшүүлээгүй нь ч оножээ. Энэ байдлаас үзэхэд, Ардын намыг гэх иргэдийн итгэл ихээхэн сэргэн, итгэл найдварыг үзүүлэх үйлдлийг Л.Оюун-Эрдэнэ үзүүлж чадлаа.

Ерөнхийлөгчийн зүгийн нөхдийг мөн ихээр дэмжин, нэлэнхүйд нь оруулж. Хууччуул, ах нар намын жагсаалтанд орохоор зүтгэж, шахсан нь дамжиггүй түүнийг.

Гэвч тэднээс хэнийг нь ч жагсаалтад дэвшүүлээгүй нь, дан шинэ хүмүүс, тэр тусмаа нийгмийн дэмжлэг авахуйц улсыг гаргаж ирсэн нь ихээхэн онцлог шаглаас болж.

Туршлагажсан дэд сайд С.Мөнгөнчимэг, Г.Ганбаяр нар аа тийм ч урд бус, гэвч зохих итгэлт орон зайд эрэмбэлэн дэвшүүлж.

Баабарын таамаглал нэг их зөрдөггүй. Тэрбээр Ардын намаас эхний 25 зоолттой УИХ-д орно гэжээ. Үнэн байх.

Л.Оюун-Эрдэнэ УИХ-д жагсаалтаар дэвшигсдээ шаглаад урлачихаж гэж болохоор байна. Өөрөө тойрогт хүч үзнэ гэнэ, бусад намын дарга нар харин хөөрхий жагсаалтад нугдайжээ.

Б.БАЯР

AMLALT.MN