Улаанбаатар хотын агаарын бохирдлыг бууруулах зорилгоор БНХАУ-аас хагас коксон түлш худалдан авч, хувийн хэвшлийн дөрвөн компани галт тэргээр тээвэрлэн нийлүүлж байна.
Улаанбаатар хотын агаарын бохирдлыг бууруулах, нийслэлийн гэр хорооллын иргэдэд стандартын шаардлага хангасан түлш нийлүүлэх зорилгоор БНХАУ-аас хагас коксжсон түлш худалдан авч, тээвэрлэх ажлыг зохион байгуулж байна. Энэхүү үйл ажиллагаанд хувийн хэвшлийн дөрвөн компани нийгмийн хариуцлагаа хэрэгжүүлэн оролцож, хагас коксон түлшийг Эрээн өртөөнөөс Улаанбаатар хүртэл галт тэргээр тээвэрлэж байна.
Тус компаниуд төмрийн хүдэр, жонш зэрэг экспортын бүтээгдэхүүнийг БНХАУ-д хүргээд буцахдаа хагас коксон түлшийг тээвэрлэх үйл ажиллагаа явуулдаг юм. Энэ сарын 21-ний байдлаар Эрээн өртөөнөөс нийт 41 галт тэрэг, 1832 вагон, 90 мянган тонн хагас коксон түлшийг Улаанбаатарт тээвэрлэн буулгажээ.
Amlalt.mn
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!