Польшийн Ерөнхийлөгч асан Лэх Валэнсагаас Ерөнхийлөгч Трампад бичсээ ил захидлыг хүргэж байна.
Эрхэмсэг ноён Ерөнхийлөгч өө,
Бид таны Ерөнхийлөгч Зеленскийтэй хийсэн яриаг айдас, зэвүүцэлтэйгээр харлаа. ОХУ-ын эсрэг тэмцэлд нь АНУ материаллаг тусламж үзүүлсэн учир украинчууд талархалаа илэрхийлэх ёстой гэж шаардах нь доромжлол юм.
Путины Оросын дайралтанд өртсөн эрх чөлөөт ертөнц, эх орноо хамгаалан 11 жилийн турш цусаа урсгасан Украины баатарлаг цэргүүдэд талархал илэрхийлье.
Эрх чөлөөт ертөнцийн бэлгэдэл болсон улсын удирдагч харин ч тэдэнд талархмаар юм?
Таны Зелинскитэй ярилцаж байх үеийн Зууван танхимын уур амьсгал нь коммунист шүүхэд байцаагдаж байсныг минь санууллаа. Тэр үед прокурорууд өөрсөнд нь бүх эрх мэдэл байна хэмээн ямарч мэдэлгүй биднийг дээрэлхэж байсан. Хамтран ажиллахаас татгалзаж, дарангуйлалд талархлаа илэрхийлэхээс татгалзсан тул тэд биднийг шоронд хорьсон. Ерөнхийлөгч Зеленскийд та яг ийм байдлаар хандсанд бид үнэхээр их айсан.
Түүхээс харахад АНУ ардчиллын үнэт зүйлс болон Европын холбоотнуудаасаа хөндийрөхөд эцэстээ өөрсдийгөө аюулд оруулдаг. Вилсон үүнийг ойлгосон учир 1917 онд АНУ Дэлхийн 1-р дайнд орсон. Америкийг хамгаална гэдэг Номхон далай болон Европт хоёуланд нь тулалдана гэсэн үг гэдгийг Рүзвэльт 1941 онд Пөрл Харборын дараа ойлгосон.
АНУ-ын санхүүгийн дэмжлэггүйгээр Зөвлөлтийн эзэнт гүрэн задрах боломжгүй гэдгийг Ерөнхийлөгч Рейган ойлгож СССР-ийг "мангасын эзэнт гүрэн" гэж нэрлэн эрслэн эсэргүүцсэн. Тэрний ачаар бид ялж, өнөөдөр түүний хөшөө Варшав хотод АНУ-ын Элчин сайдын яамны эсрэг талд сүндэрлэж байна.
Ноён Ерөнхийлөгч өө, цэргийн болон санхүүгийн тусламжийг Украины тусгаар тогтнол, Европ болон дэлхийн эрх чөлөөний төлөө урсгасан цустай зүйрлэж болохгүй. Хүний амь нас үнэлж баршгүй. СССР-ийн коммунист дэглэмийн улс төрийн хоригдол асан бидэн шиг цус, эрх чөлөөгөө золиосолж буй хүмүүст харин ч талархал илэрхийлэх ёстой.
Цөмийн зэвсгээс татгалзсаны хариуд Украины хил, бүрэн бүтэн байдлыгийг шууд хамгаалах үүрэг хүлээсэн 1994 оны Будапештийн меморандумыг биелүүлэхийг АНУ-д уриалж байна. Эдгээр баталгаа нь ямар ч болзолгүй бөгөөд ийм тусламж нь эдийн засгийн энгийн нэг хэлцэл биш.
Улс төрийн хоригдол төдийгүй, "Эв санааны нэгдэл"-ийн удирдагч, "Нобелийн энх тайваны шагналт", Польш улсын Ерөнхийлөгч асан ЛЭХ ВАЛЭНСА.
Amlalt.mn
