Монгол Улс 2026 аравдугаар сарын 1-20-нд нийт 40800 тонн АИ-92 шатахуун импортолсон талаар Шатахууны шуурхай штабаас мэдээллээ.
Өнөөдрийн байдлаар 70 вагон буюу ойролцоогоор 4200 тонн АИ-92 шатахуунтайгаас буулгах өртөөдөд 43 вагон буюу 2580 тонныг агуулахуудад буулгаж байгаа аж. Улсын хэмжээнд өнөөдрийн байдлаар АИ-92 шатахууны 10 хоногийн нөөцтэй байгаа бөгөөд энэ нь 21747 тонн юм. Тэгвэл дизель түлш 112744 тонн буюу 28 хоногийн нөөцтэй байна. Онгоцны түлш 7500 тонн буюу 36 хоногийн ердийн хэрэглээний үлдэгдэл байгааг албаныхан хэллээ. Өчигдрийн байдлаар Улаанбаатар хотын 119 шатахуун түгээх станц руу 916 тонн АИ-92 шатахуун түгээжээ.
АҮЭБЯ-ны Газрын тосны бодлогын газрын дарга Ч.Хишигдалай ярихдаа, “Орон нутгийн 180 шатахуун түгээх станц руу 1200 тонн АИ-92 шатахуун гаргасан. Цаашид орон нутгийн шатахуун хангамжийг хүртээмжтэй байлгахад түлхүү анхаарна. Шатахууны импортыг тасралтгүй хийж байна. Сүүлийн хоёр хоногт 4020 тонн АИ-92 шатахуун импортоллоо” гэв.
Өнгөрсөн долоо хоногт АИ-92 шатахууны үнэ литр тутамдаа 500-560 төгрөгөөр нэмэгдсэн бол энэ сарыг дуустал дахин өөрчлөлт гарахгүй гэдгийг хэвлэлийн хурлын үеэр дурдлаа.
Amlalt.mn
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!