Ш.Адьшаа гишүүн Ардын намд тусалж байна /ВИДЕО/
Огноо
Унших
4 минут 57 секунд
Ш.Адьшаа гишүүн Ардын намд тусалж байна /ВИДЕО/
Нийтлэсэн огноо:

Ш.Адьшаа гишүүн Ардын намд тусалж байна /ВИДЕО/

Гишүүн Ширнэнбаньдын Адьшаа Ардын намд тусалж байна. Маш зөв тусалж байна. Учир юунд вэ гэхээр, эрхэм гишүүн дизель түлш хийх түүхий эдийг татваргүй оруулж ирэх боломж олгох хууль санаачилж. Г.Занданшатарт ч атгуулчихаж. Өргөн барьчихаж. Маш зүйтэй.

Ерөнхий сайд хэлж байна. Монгол улсын орлого, эдийн засаг ерөөсөө л нүүрс, зэс хоёр дээр тогтож байна гэж. Энэ нь хүнд машин механизмын ид хаваар бүтдэг олборлолт.

Гэтэл манайх уул уурхайн эдийн засаг дээр тогтож байгаа улс атлаа уул уурхайн машин техникийнхээ “хоолыг” хийдэггүй улс. Мөнгөө олох машиныхаа хоолыг олохгүй байгаа юм, хийхгүй байгаа юм.

Их хурлын хэдэн гишүүн бий л дээ. Өөрсдөө л цадан баяжиж байвал улс орон, нам засаг, хүн ард огт хамаагүй хэдэн хүн бий. Саяхан хоёр нь Ардын намаасаа, өөрсдийн нь хэлсэнээр нүүрсний хулгайчаар зарлагдсан. Шатахууны бизнестэй. Нэг нь унтаж байгаа баавгайг сэрээлээ, хохь нь шүү гэж зандарсан. Нам руугаа зандарч байгаа юм шиг билээ. Намын нь дарга тэгтэл, та ганцаараа онгоцны бензин нийлүүлдгээ болио гээд, нийтээр хэн нь ч гэсэн, нийлүүлж л чадвал нийлүүлэх боломжийг хууль дүрмээр олгох шиг болсон.

Одоо харин энэ гишүүн, тодруулбал Ц.Анандбазар, Ш.Адьшаагийн энэ санаачилсан хуулийг дэмжих биз. Нам засаг, намын дарга нь анхааруулаад байна шүү дээ.

Ананд аа, бүгдээрээ бензин тосоо хийдэг болъё, нийлүүлдэг болъё гээд. Энэ л утгаараа Адьшаа Ардын намд туслаад байна. Уул уурхай, газар тариалангийн чинь машины хоолыг дотооддоо хийдэг, хийдгийг болиулсаныг дахин боломжоор хангая гээд харин ч Ш.Адьшаа эх орончоор, Ардын намын гишүүдийн хийхгүй байгааг хийж байна шүү дээ.

Угаасаа Ардын намын хорин оны сонгуулийн мөрийн хөтөлбөрт Алтан ширээгийн газрын тосны үйлдвэрээ ашиглалтад оруулна, Адьшаа гишүүний тойрог Ховд аймагт нефть, бензинээ хийнээ гээд цагаан дээр тод хараар ёстой гоё бичсэн байна лээ шүү дээ.

Ингээд харахаар Адьшаа гишүүн ажлаа хийж байна. Зүтгэж байна. Ардын намдаа, ард түмэндээ тусалж байна. Түүнд нь манай эрхэм гишүүд бас туслах хэрэгтэй. Ананд, Баагаагийн Баттөмөр гишүүд. Бүх Их хурлын гишүүд. Ингэх чинь мөнгө валют олдог машинуудынхаа бензин тосыг л хийе, айлаас гуйдаггүй болъё гэсэн үг биз дээ.

Намаржин дизель алга, өвөлжин дизель дутмаг, одоо яана вэ, маргааш яах билээ гэж Уул уурхайн Ж.Ганбаатарыг зовоогоо биз дээ. Жамбалын Ганбаатар сайд ч гэсэн зовлон мэдсэн хүний үгээр үгээ бэлдэж, УИХ, Засаг дээр Адьшаа гишүүнийхээ санаачилсан хуулийг дэмж ээ. Эдийн засаг мэддэгээ, эрх чөлөөний санхүүг их ярьдаг хүн биз дээ, “Оргил”-оо одноос олон овооллоо. Одоо улсдаа валют овоол оо. Уул уурхайгаа дэмжээд, уул уурхайн сайд шиг ажилла л даа. Тиймээс зөв хуулийг дэмж. Ардын намын дарга нар “Петро Чайна”-г хэдэн олон он өршөөн түүхий эдээ гадагш зөөлөө. Хэсэг сэтгүүлчид үзсээр байгаад гурван зуун тэрбумыг төлүүлэх болж. Татвар.

Ч.Хурц гуай хэлсэн шүү дээ. Түүхий эдээ гадагш зөөчихөөд буцаад түлшээ гаднаас авдаг улс дэлхий дээр байхгүй ээ, байх ч боломжгүй гэж. Мөн гашуун шүү. Ардын намынхаан, нам засгийнхаан, эх оронч УИХ-ын гишүүдээ, Ш. Адьшаа гишүүний санаачилсан хуулийг дэмжих нь эх орны эрх ашиг, ард түмний хүлээлт юм. Мөнгө төгрөгтэй, ажилтай орлоготой байцгаах гээд. Гомбожавын Занданшатар спикер ч бодьтой тусална байгаа, түмэн олон, төр улсаа бодоод. Түмэн олон харж байна. Уул уурхайнхан, газар тариалангийнхан.

З. БАЯРАА

Amlalt.mn

С.Амарсайхан: 7.3 тэрбумыг нуучихаад үл хөдлөх хөрөнгийн бизнес ч гэх шиг. Ковидын үед тийм бизнес байх боломжгүй
С.Амарсайхан: 7.3 тэрбумыг нуучихаад үл хөдлөх хөрөнгийн бизнес ч гэх шиг. Ковидын үед тийм бизнес байх боломжгүй
 
А.Адъяасүрэн гишүүнийг хоёр хэргээр яллагдагчаар татжээ
А.Адъяасүрэн гишүүнийг хоёр хэргээр яллагдагчаар татжээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!