Урагшгүй албат
Огноо
Унших
4 минут 36 секунд
Урагшгүй албат
Нийтлэсэн огноо:

Урагшгүй албат

Төр Засгийнханы урагшгүйг хэлэх үү, түлш бензин үнэтэйг хэлэх үү, ойрын хэдэн өдөр мөн айхтар хүйтэрч байна. Хүйтрэхийн хүрээр эрчим хүчээ тэтгээгүй, эдийн засгаа арвидуулаагүй улс орноо бодохоор хэн хүнд боловч гомдом, уурсам байдал нийгмийг бүрхжээ.

Алтанширээгийн нефтийн үйлдвэрээ л тун даруй баримаар байна аа, манай улс. Уул уурхайн сайд Ж.Ганбаатар энэ ажлыг маш тулхтай авч үзэж, гүйцэтгэлийг өдөр бүр хянамаар байна. Хээр талд хэдэн хашаа байшин барьснаас өөр ажил нь урагшлахгүй байна.

Хаа байсан 2025 он бэ, ямар л боломж бололцоо байна, бүх талаар төр засгийнхаа анхааралд байлгаад, энэ үйлдвэрээ л баримаар байна аа, Ж.Ганбаатар сайд аа. Та бол өөрийнхөө ахуй, компаниа гайхалтай нягт удирддаг хүн. Түүний нь үр дүн нь “Оргил” супермаркетууд, “Энканто” хотхонууд. Үзэсгэлэнтэй, ширхэг төгс байдаг.

Ажлын, амьдралын ур дүйтэй хүний гүйцэтгэл үзэгддэг. Ж.Ганбаатар сайд бизнес эрхлэгчдийн эрх ашгийг хамаалж маш бодьтой дуугардаг. Сонгогч түмэн нь ч энд талархалтай байдаг. Ганбаа сайдад одоо ард түмэн үнэхээр талархахын, өөрөө талархагдахын чухамхүү үнэн бол нефтийн үйлдвэрийг ажлыг яаравчлах явдал байна.

Өдөр бүр тэр чиглэлд махран ажиллах хэрэгтэй байна. Мөн түлш шатахуун үйлдвэрлэгчдийг, жижиг дунд үйлдвэрүүдийг барих хэрэгтэй. Хууль эрх зүйг тодорхой болгоод. Ц.Анандбазар гишүүний яриад байгаачлан нэрдэг, хольдог үйлдвэрүүдээ, татвар, дамжлагыг нь багасгаад яаралтай дэмжмээр байна. Энэ бол улс орны, иргэн бүрийн эрх ашиг юм.

Ж.Ганбаатар сайд энэ чиглээр маш дорвитой, чухамхүү хийсэн зорьсоныхоо үрийг үзэж чаддаг хүн шиг үлгэрлэл үзүүлэх хэрэгтэй. Яг л “Оргил”, “Энканто”-г сүндүүрлүүлсэн шигээ л сүндэрлүүлэх хэрэгтэй байна. Газрын тос боловсруулах үйлдвэрийн захирал Д.Алтанцэцэгийг шахаж шаардаж ажиллах нь тун чухал байна. Чадахгүй бол ажлаас нь чөлөөлж, чаддаг хүнээр нь ажлыг нь хийлгэх хэрэгтэй.

Урагш муутай, ажлын нь явц эрчгүй тийм нэг газар байгаад байна шүү дээ. Хөрөнгө оруулалт хийж, байшин барилга барьсан компаниуд эдүгээ хүртэл гурван жил мөнгө төгрөгөө авч чадаагүй байгаа гомдол их байна лээ. Энэ бол ажил цалгардалтай, эрчгүй байгаагийг тод илэрхийлэл. Ажил хийлгэсэн бол мөнгө төгрөгийг нь өгөх нь зүй ёсны асуудал. Бас ингэж гомдол үүсгэхгүй байлгах нь дараа дараачийн ажил гүйцэтгэгчдэд урам болох учиртай.

Иймэрхүү байгаад байвал хэн ажил хийх билээ. Ерөөс энэ төр засагт итгэх аж ахуйн нэгжүүдийн итгэл үнэн талаар болж байгааг хаана хаанаа анхаарах хэрэгтэй байна аа, Ганбаатар сайд аа. Та бол бизнес эрхлэгчдийг төлөөлж УИХ, Засгийн газарт ажиллаж байгаа хүн шүү дээ.

Эрдэнэт үйлдвэрийн Төлөөлөгчийн газрын дарга, Баянголын Сумъяабаатар, Б.Сэмжидмаа нараа та нэн үнэнчээр ажиллуулдаг. Яг түүн лугаа агуулгаар Эх орондоо зүтгэ ээ, Ганбаа сайд аа.

Энд сануулахад, татваргүй барааны дэлгүүрүүдээс хүмүүс ганц хоёр шил архи авч амьдрал ахуйдаа хэрэглэдэг. Энэ нь сая шинэ журмаар олгогдохоо байсан гэнэ лээ. Зүгээр л, тэрхүү дэлгүүр дотроо ууж болох тэнэг гэмээр журамтай болсон байна лээ. Үүнийг хүмүүс юу гэж үзэж байна гэхээр, Ганбаа сайдын “Оргил”, Сү даргын “Имарт”-т зэрэгт л ашигтай юм шиг байнаа гээд ярилцацгааж байна. Энийг ч гэсэн нэг талд нь гаргаад, зөв болгохсон. Үнэхээр урагшгүй байна шүү.

З.БАЯРАА

Amlalt.mn

НИТХ-ыг татан буулгая
НИТХ-ыг татан буулгая
 
А.Адъяасүрэн гишүүнийг хоёр хэргээр яллагдагчаар татжээ
А.Адъяасүрэн гишүүнийг хоёр хэргээр яллагдагчаар татжээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!