“Шилэн нам” хэлэлцүүлгийн үеэр АН-ын дарга Л.Гантөмөр “Өнөөдөр төр нийгмийн хооронд үүссэн ханыг нураах хэрэгтэй байна. Иргэд, олон нийтийн төлөөллийг төрд гаргаж ирэх боломжийг хангах хэрэгтэй. Хувь тэнцүүлсэн тогтолцоо байгаа тохиолдолд нэр дэвшигч дээр тавигдаж байгаа болзлыг багасгаж, бага хурлын гишүүн хүн УИХ-д нэр дэвших гэсэн шаардлага хасагдана. Нээлттэй нэр дэвшилт явагдах ёстой. Цаашдаа боловсрол, эрүүл мэндийн салбараа хамгаалж, төлөөлж чадах хүнийг салбарынх нь хүмүүс өөрсдөө сонгож, парламентад оруулах хэрэгтэй.
Иймд юун түрүүнд улс төрийн нам өөрөө яаж цэвэрших вэ? гэдэг асуудал яригдана. Гишүүдээсээ татвар авдаггүй байх, УИХ-ын гишүүдийг дүүрэг, аймгийн даргаар томилохгүй байх гэх мэт. Цаашлаад УИХ-ын гишүүдийг энгийн иргэдийн төлөөлөл гэх тодорхойлолт руу нь авчрах хууль батална. Мөнгөтэй нь УИХ-ын гишүүн болох ёсгүй. Одоогийн сонгуулийн тогтолцоог яаралтай өөрчилснөөр парламентын чадавх чанарын асуудал яригдана. Улс төрийн нам нийт Монголчуудыг хамгаалж чаддаг улс төрийн хүч болно” гэлээ.
