УИХ дахь МАН-ын бүлэг үдээс хойш дахин хуралдлаа. Бүлгийн хуралдаанаар УИХ-ын гишүүдийн тоог 126 болгох нь зүйтэй гэсэн байр суурийг бүлгийн гишүүд илэрхийлжээ. Хэрэв гишүүдийн тоо 126 болбол 60:40 гэсэн харьцааг баримтлан 76 тойргийг хэвээр үлдээх агуулгад санал нэгдэцгээж байнгын хорооны хуралдаанаар хэлэлцүүлэх нь зүйтэй хэмээн үзсэн байна.
Мөн бүлгийн гишүүд сөрөг хүчний байр суурийг харгалзан үзэх нь зүйтэй гэж дүгнэсэн тул УИХ дахь АН-ын бүлгийн улс төрийн шийдвэрийг хүлээхээр болжээ.
УИХ-д суудалтай гурван нам эцсийн байдлаар саналаа нэгтгэж байнгын хорооны хуралдаанаар хэлэлцүүлэх ёстой.Тиймээс эх сурвалжийн мэдээлж буйгаар УИХ дахь АН-ын бүлэг өнөөдөртөө багтаад юм уу эсвэл маргааш хуралдаж саналаа нэгтэж хүргүүлэхээр болжээ.
Amlalt.mn
